USA ka American national nakaplagang patay sa sud sa iyang comdominium unit sa Bamboo Bay, H.Cortes, Barangay Subangdaku, Mandaue City.
Nakaplagan ang lawas ni Todd Teal, 75, lumad nga taga Pennsylvania, USA, alas 2:35 sa hapon sa Miyerkules, Abril 8, 2020.
Sigon ni Police Captain Marvin Fegarido, hepe sa Subangdaku Police Station, nga ang property manager sa condominium nahibulong nga si Teal pipila na ka adlaw nga walay gawas gawas sa iyang kwarto.
Giadto sa manager si Teal nga naa sa 11th floor, nakatimaho sila og baho.
Pag-abli nila sa iyang kwarto, ilang nakita ang lawas ni Teal nga naghayang sa sawog.
Ang langyaw sukad pa niadtong Enero sa 2018 nagpuyo sa condominium.
Si Teal nailhan nga maayo ug hinagad.
Sigon ni Fegarido nga kon mogawas sa condo, mouli kini nga magdala og babaye nga ipaila nga higala.
Katapusan niini nga adunay kuyog Marso 21, 2020.
Katapusan siya nga nakita sa lugar Marso 30, 2020.
Sigon ni Fegarido nga ang lawas ni Teal ipaubos pa og autopsy aron masuta kon unsay namatyan, foul play o natural death. (KFD)