EMPOWERING communities, empowering women.
Mao kini ang gibarogan sa Kapit-Bisig Laban sa Kahirapan, Comprehensive and Integrated Delivery of Social Services o (Kalahi-CIDSS)
Ang programa nakapalambo na sa mga kinabuhi sa komunidad pinaagi sa edukasyon, ug pagbansay sa mga tawo labina sa mga babaye, kinsa kadaghanan kanila mabilin sa balay ug nag-atiman sa mga bata.
Sa pagsugod sa Kalahi-CIDSS niadtong 2014, kining kababayen-an nagsugod sa pag-apil ug aktibo sa mga kalihokan sa barangay.
Ang programa naghatag og nagkalainlaing panglantaw sa kinabuhi. Pipila ka mga babaye mauwawon ug dili moduyog sa publiko labaw nang dili mosulti.
Ang uban nagtutok sa ilang buhat sa panimalay. Dihang nasugod sa pag-apil ug pagtambong sa mga kalihokan sa Kalahi-CIDSS seminars, hinayhinay niabli sila sa kaugalingon.
“Maayo gyud nga ni boluntir ko kay aron madungagan ang akong kahibalo. Mapasalamaton ko sa DSWD Kalahi-CIDSS tungod kay gihatagan kami ug kahigayonan nga masuta ang panginahanglanon sa among barangay. Ug tungod sa among pag boluntir, napunduhan ug napaayo namo ang among karsada,” matod ni Josephine Naliza, Procurement Chairperson sa Madua Norte, Duero, Bohol.
Ang seminars nagahatag og kausaban sa kinabuhi sa kababayen-an nga boluntaryo nga mahimong kompiyansa sa ilang pagsulti labi na sa paghukom alang sa komunidad.
“Dako kayo kinig na itampo sa akong kinabuhi, nadugangan ang akong kahibalo, nagamit usab nako ang experience nako sa pagka volunteer sa Kalahi-CIDSS sa akong pagka barangay kagawad. Tungod ana, nakita sa mga taw ang akong ka aktibo sa kalihukan sa barangay,” matod ni Isidra O. Caybot, kanhi sa community volunteer karon barangay kagawad sa Libjo Sikatuna, Bohol
Si Isidra usa sa daghang community volunteers sa Kalahi-CIDSS nga nahimong Barangay officials, diin gikonsiderar nga kamatuoran sa kalamposan sa programa.
Sa Region VII, dunay 54,857 female community volunteers. 63% sa mga babaye nagtambong og Barangay Assemblies.
Sa total female community volunteers, dunay 1,136 ang nabansay nga female laborers ubos sa usab sa Pantawid Pamilya Program.
Ang programa wala lang naghatag og agianan nga sila mapahngaw sa ilang hunahuna ug pagbati apan naghatag usab og oportunidad kanila.
Kadaghan nila karon nakatrabaho sa local government Unit. Uban napili isip opisyal sa barangay sama nila ni Isidra ug Josephine. (PR)