SUPERBALITA DAVAO

Delos Reyes: Kaguliyang sa ECQ ug rasyon

Yanong Pagsabot

MAAYONG adlaw sa tanan bisan dili maayo alang sa uban tungod sa kahimtang ubos sa panahon sa crisis dala sa coronavirus disease 2019 (Covid-19).

Nagkagubot ang katawhan tungod sa managlahi nga sitwasyon sa pagpatuman sa Enhanced Community Quarantine (ECQ) ug ang wa nagkadima-o nga paghatag sa rasyon nga gipaabot sa gobyerno sa katawhan.

Naa sab ang grupo sa mga organisasyong gipaluyohan sa walhon nga naghimo og ilang pamaagi aron magkaguliyang ang katawhan didto sa kaulohan kay inay motabang, politikanhong agenda maoy nagpatigbabaw sa ilang hunahuna bisan sa giatubang nga krisis sa atong nasud, karon.

Sa gipagawas nga kamandoan sa National Government, lahi ang pagpatuman, pag-abot sa kabaranggayan. Una, sa gipahigayon nga lockdown, abtik ang mga barangay nga nagtukod og checkpoint aron ipatuman ang order sa ilang kapitan nga naghimo og ilang kaugalingon nga pamaagi nga lahi sa mandu gikan sa national ug municipal level.

Ang mga rasyon nga human na gi-pack, gipamungkag ug gi-repack hinungdan nga gamay nalang ang naabot sa modawat kay gipangkuhaan? Iyahay pagdiskarte bisan pa ang ubang organisasyon sa simbahan, naduhig sa pagpangawkaw sa mga rasyon.

Makita nga dili gyod kita andam kay bisan ang listahan nga basihan sa paghatag sa hinabang dunay mga kakulangon hinungdan sa daghang bagulbol.

Ang ubos nga buhatan sa Department of Social Service and Development (DSWD) nabulit sa pagsaway kay gipili lang kinsa ang hatagan sa suporta samtang ang sulti gikan sa taas nga buhatan, tanan makadawat sa hinabang.

Kinsa man ang atong basulon kon gamay ra ang pundo nga gihatag tungod ang karaan pa kuno nga listahan ang gibasihan? Halos tanan gustong modawat kay kwarta naman!

Maayo pa ang hulmigas kay sa tiyan dunay duha ka butanganan sa pagkaon, ang una para sa iyang kaugalingon, ang ikaduha alang sa ihatag sa iyang mga kauban samtang ang tawo tungod sa kahakog, angkonon tanan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph