TULO ka pulis sa Cebu Police Provincial Office (CPPO) nga naiskapohan sa pito ka mga piniriso maoy gipuli sa pag-lock up sa custodial facility sulod sa kampo Huwebes, Abril 16, 2020.
Matod ni Police Brigadier General Albert Ignatius Ferro, hepe sa Police Regional Office Central-Visayas, iyang "ipa-experience" ang tulo ka pulis nga unsay bation sa sulod sa selda.
Gipakuhaan na usab niya og armas ang tulo ka pulis nga wala lang una niya nganli sa pagkakaron ug mag-atubang sila og administrative investigation.
Huwebes sa hapon pagawson na ni General Ferro ang tulo ka pulis dungan sa bahad nga iya kining buhaton sa ubang pulis kung ma iskapohan pa kini og binilango.
Ang lima ka piniriso mitahan sa ilang kaugalingon kagabii sa Talisay City Police Station.
Gipasabot usab ni Ferro nga wala nila ma-commit sa Cebu Provincial Detention and Rehabilitation Center tungod sa hulga sa Covid-19.
Ang lima ka suspek nga miiskapo gibalhin na sa labing lig-on nga pasilidad aron dili na sila makaiskapo. (AYB)