IPAUBOS sa pangagamhanan sa probinsya sa Sugbo ang tanan nga kapulisan sa probinsya sa group accident insurance sa Government Insurance System (GSIS).
Kini maoy gipahibaw ni Gobernador Gwendolyn Garcia Huwebes, Abril 16, 2020, isip paghatag og appreciation sa tanan nga kapulisan nga ubos sa probinsya sa Sugbo nga padayon nga nagbantay sa mga borders og checkpoint areas samtang gipaubos sa enhanced community quarantine (ECQ) ang tibuok probinsya.
Sa pagkakaron, matod ni Garcia nga may di mo menos 1,600 ka mga pulis ang gideploy sa mga checkpoints ug borders.
Hinuon, gipahibaw ni Garcia nga tanan nga pulis ubos sa probinsya sa Sugbo maoy makapahimos niini.
Naghuna-huna usab si Garcia nga ilakip sa insurance ang mga volunteers. (ANV)