Kanhi Jaguar gipusil-patay

GIPUSIL-patay ang kanhi magduduwa sa University of San Jose Recoletos (USJ-R) Jaguars nga si Maui Huelar niadtong Huwebes sa hapon, Abril 15, 2020 sa Bacolod City.

Sa taho sa Aksyon Radyo nga napatik sa www.abs-cbnnews.com, nahitabo ang pagpamusil sa usa ka basketball gym sa Barangay Villamonte.

Si Huelar, kinsa kanhi sinaligang pointguard sa Negros sa Slashers sa nabungkag nga Metropolitan Basketball Association (MBA), nagsul-ob sa iyang No. 15 jersey sa Slashers dihang nahitabo ang insidente.

Matod sa Aksyon Radyo nga gipusil si Huelar sa likod sa iyang ulo sa wala mailing tawo, kinsa dali nga misibat gikan sa esena.

Ang mga suspetsado nagsul-ob og face masks ug mingsakay sa itom nga sedan.

“No signs of life," matod sa usa sa mga sakop sa rescue team nga giinterbyu sa Aksyon Radyo.

Matod sa tag-iya sa gym, adunay mitawag kang Huelar mga alas 5:00 sa hapon.

Si Huelar, kinsa kanhi kapitan sa Barangay 35 sa Bacolod City, daling migawas sa gym ug niini nang higayuna nahitabo ang pagpamusil.

Duha ka nga boto sa pusil sa nakdungog.

Si Huelar usa ka kilas nga pointguard nga nabantog sa iyang pagduwa sa Slashers diin iyang gikauban ang kanhi mga magduduwa sa Philippine Basketball Association (PBA) nga sila si John Ferriols ug Johndel Cardel lakip na si Reynel Hugnatan, kinsa padayon pang nagduwa sa PBA.

Si Ferriols, kinsa maoy giingong partner ni Huelar sa basketball, mihulagway kang Huelar nga usa ka maayong tawo bisan sa kadaghan nga kontrobersya nga naagian niini sa personal nga kinabuhi lakip na ang isyu kabahin sa drugas.

Matod ni Ferriols nga adunay dakong part si Huelar sa iyang kalampusan isip basketbolista.

Panahon pa lang sa kolehiyo, nagkauban na sila si Ferriols ug Huelar sa Jaguars niadtong 1993.

“Una kong nakilala si Maui nung college days pa sa Cebu, 1993 sa USJR. Siya na ‘yung number one point guard namin doon. Ako kararating ko lang sa Cebu noon from Davao,” matod ni Ferriols sa interbyu sa Spin.ph.

Matod ni Ferriols nga sa iyang pag-abot sa Jaguars, si Huelar na maoy lider sa team sa kampanya niini sa nabungkag nga Cebu Athletic Athletic Association (CAAA) nga maoy main collegiate league sa Cebu sa wala pa naporma ang Cebu Schools Athletic Foundation Inc. (CESAFI) niadtong 2001.

Niadtong higayuna, ang panagpares nila ni Ferriols ug Huelar ming-agak sa Jaguars sa kampiyunato sa CAAA.

“Siya ‘yung unang nag-entertain sa akin sa quarters. Mabait ‘yun at matulungin. Kapag may mali sa play, bubulungan ka kung anong dapat gawin. Parang kapatid,” pasabot ni Ferriols.

Human sa kolehiyo, ning duwa sila si Ferriols ug Huelar sa nabungkag nga Philippine Basketball League (PBL) sa Manila apan ning higayuna, dili na sila kauban.

Hinuon nagkauban sila'g balik sa Slashers dihang naporma ang MBA niadtong dekada 90. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph