ADLAWNG Huwebes, Abril 16, 2020, gilusad sa kagamhanan sa Misamis Oriental ang Transparency Donation Board.
Kini aron makita sa katawhan sa Misamis Oriental ug labina niadtong mga misalig nga mga kompanya, grupo, organisasyon nga mitunol ug donasyon "in cash o in kind" kung asa kini nakapaingon ug kinsa ang mga nakadawat niini.
"Here in the Philippines, In every after calamity this pandemic, I certainly believed that again people will be asking you, me what we did, what we have done for the donations that the people gave to the people of Misamis Oriental especially to our frontliners," matud ni Emano ug miingon nga ang transparency donation board maoy tubag sa tanan pangutana sa katawhan.
"You want transparency? kini mao kining tin-aw pa sa tubig sa butong and everything there will be written. From the quantity, the quality, expiry, where it went and how many is left and every small details will be given and written there," matud niini ug nipasabot nga ang dako nga transparency board nga makita gawas sa kapitolyo probinsyal.
Dugang niini nga nagpasabot lamang kini nga wala giwaldas ang kwarta ug daw klaro nga kung asa kini mipaingon.
Ang mga kompanya sab nga misalig ang makakita kung asa kini nila gitunol ug napaabot gyod ngadto sa mga nagkinahanglan sa ilang hinatag.
Nadugangan na usab ang nakasulat sa transparency board gumikan gahapon lang Abril 20, 2020 sa buntag midonar ang FDC Misamis Oriental og 200 ka unit sa personal protective equipment, 40 ka unit sa face shield ug 1 unit sa ventilator nga giturn-over sab dayon ngadto sa buhatan sa Provincial Health Office nga maapod apod ngadto sa mga health workers ug mga front liners.