GIBALHOG sa prisuhan ang 21 anyos nga lalaki human nisupak sa mga gabayan sa community quarantine checkpoint sa Barangay East Dalurong, lungsod sa Kitaotao, probinsya sa Bukidnon.
Giila ang suspetsado nga usa ka laborer nga mao si Allan S. Culata Jr., minyo, residente sa susamang dapit.
Sa report nga gipagawas sa Kitaotao Police Station, gidakop kini si Culata human unang namato sa checkpoint nga gi-manned sa mga opisyal sa maong barangay.
Giingong nagsinggit-singgit kini nga dili kini mahadlok sa mga otoridad, hinungdan nga gidakop. Dihang gidala sa outpost, giingong gibuak pa niini ang bintana sa maong outpost.
Gidetanar kini sa kapulisan human nga nagmasinupakon sa mga gabayan samtang ubos ang lalawigan sa Bukidnon sa community quarantine.
Samtang dakpan sab ang driver ug mga kauban niini dihang wala mihunong sa checkpoint diha sa Sitio Balaon Barangay San Isidro, Talakag, Bukidnon.
Giingong gi tsek sa kapuliusan ang maong sakyanan apan nagsutoy sa pagpadagan ang sakyanan paingon sa PoblaciĆ³n Talakag, Bukidnon.
Nababagan kini ug nadiskubreng gipanag-iyahan kini sa usa ka retiradong opisyal nga taga Balulang, ning siyudad sa Cagayan de Oro.
Samtang ang maong sakyanan gimaneho ni Norwin Encio Panis, 40, minyo, taga Gusa sa siyudad sa Cagayan de Oro, ug duha ka mga kauban nga mao sila si Glen A. Panis, 47, ug Raymond Lacorte, 30, pulos taga Alae San Isidro Manolo Fortich, Bukidnon.
Gawas sa walay pagrespeto sa mga awtoridad ang driver, wala nituman sa mga gabayan sa community quarantine kon diin wala kini silay mga travel pass ug wala misunod sa social distancing labina ang gitugot isa lang ka driver ug usa ka helper ang mosakay kon modeliver og essential.
Giingong gipalahos ang maong van apan ang usa ka kuyog ang nagpabilin sa checkpoint.