SUPERBALITA CAGAYAN DE ORO

Emano gisaway si Moreno

ADLAW’NG Lunes, Abril 20, atol sa pagpakayab sa nasudnong bandila sa Kapitolyo nga gipaagi via zoom naghatag mensahe si Misamis Oriental Governor Ygeveny “Bambi” Emano.

Dinhi iyang giwitkan ang administrasyon ni Cagayan de Oro City Mayor Oscar Moreno.

Kini kalabot sa mga paagi nga gihimo niini sa pakigbatok sa coronavirus disease o Covid-19 sa dakbayan sa Cagayan de Oro.

Matud ni Emano nga moabot ang panahon nga tubagon niya ang mga batikos ug pagsaway sa pipila gumikan sa hugot nila nga pagpatuman sa mga gabayan sa general community quarantine sa lalawigan labina sa isyu sa travel pass ug uban pa.

Apan dili niya mapugngan nga ikaulit nga biay-biayon ang mga pamaagi ni Dr. Jerie Calingasan, ang chairman sa Provincial Task Force for Covid-19.

“In fact, one time, dili naman unta ko gusto motumpang dili man mahimo nga akong pasagdan ang atong task force chief nga biay-biayon, dagmalan ug husgahan nga moabot na sa punto nga murag mas kabalo pa sila kaysa usa ka doktor,” matud ni Emano.

Matud ni Emano nga mapasalamaton gani siya nga si Calingasan maoy nibarog ug maoy nangulo unsay mga paagi nga gahimoun pakigbatok niining makapatay nga virus.

“We are proud that our PHO is actually the one standing still and leading all of us while in the city there are one person one spokesperson, a doctor, a technical and I think the head of task force which I think is very stupid and selfish.” matud ni Emano.

Hagit alang sa Kapitolyo ang mga pagpatuman sa gabayan apan magpadayon kini.

“We have challenges because the mayor of Cagayan de Oro tries to destroy what has Dr. Calingasan is building, again I think he is just jealous, I believe but Dr. Jerie Calingasan has been performing very well, and we will be a little more strict in implementing the guidelines,” panapos niini.

Sa iyang bahin si Mayor Oscar Moreno atol sa press conference niini niaging adlaw sa city hall iyang gibutyag nga dili na siya gatumpang sa mga pamulitika.

“Di na ko tumpang ayaw na kay kapoy nang tubagan (I won’t counter that, I don’t want that, because it’s tiring to answer), what’s important here is the Department of Health (DOH),” matud ni Moreno ug miingon nga unta harmonize ang checkpoint sa entry ug exit points dinhi sa rehiyon.

“Wala ni paingnan. What’s important is to harmonize the conduct of checkpoints so the people won’t have to be burdened by long lines and additional requirements. The people are suffering more than enough and they don’t need this (political cockfight) during this time of crisis,” matud ni Moreno.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph