SUPERBALITA CAGAYAN DE ORO

11 kaso sa Covid-19 nagpabilin sa NorMin

NAGPABILIN nga anaa gihapon sa 11 ang kumpirmadong kaso sa coronavirus disease (Covid-19) sa Northern Mindanao.

Kini ang gipahibalo ni Dr. Adriano Suba-an ang director sa Department of Health-Northern Mindanao.

Matud niini nga kini ang resulta as of April 20, 2020 kon diin sa maong gidaghanon, lima niini ang nakarekober human nga nagnegatibo na ang ilang ikaduhang testing.

Gikalipay niini nga lakip ang 33-anyos nga babaye nga taga Mahinog, probinsya sa Camiguin ang nagnegatibo na sa ikaduhang pagpa-testing niini.

Upat ang kumpirmadong namatay sa maong ihap ug karong panahona nagpabiling anaa sa balay tambalanan ang duha ka mga nagpositibo.

Sa bag-ong klasipikasyon sa Covid-19 patient sa DOH sa rehiyon, adunay 406 ka suspects kon diin 17 niini ang na-admit, 91 ang na-discharge, 203 ang outpatient ug 22 niini ang nakabsan sa kinabuhi.

Padayon nga gihangyo ni Subaan ang katawhan sa pagpuyo sa tagsa-tagsa ka mga panimalay aron dili na madugangan ang ihap sa mga mataptan sa virus.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph