GIKUMPIRMA sa Cagayan de Oro Police Office (Cocpo) nga nisaka ang ihap sa mga nalambigit sa ilegal nga druga karong mga panahona rason nga mas gipanghingusgan pa ang kampanya luyo sa isyu sa coronavirus disease (Covid-19) pandemic.
Kumpara sa nilabay nga tuig gikan sa Marso 15 hangtod Abril 22, 2019, anaa sa 48 ang operasyon sa kapulisan ug 55 ang nasikop samtang sa susama nga panahon sa tuig 2020 anaa sa 131 ang drug operation ug niabot sa 180 ang arestado.
Gibutyag ni Police Major Evan Vinas, tigpamaba sa Cocpo, nga nisaka gyud ang ihap karong panahona.
"We're increasing in figures as compare to previous po, 173 percent increased of operation, 227 percent increased of arrested person," matud ni Vinas.
Gimando na usab ni Police Colonel Henry Dampal, director sa Cocpo, nga mas pahugtan pa ang mga operasiyon kalabot na sa ilegal nga druga.
"City director ordered to intensify anti-drug operation po," dugang niini.
Nasayran nga gibutyag ni Rhyselle Bernadette Descallar, humanitarian cluster ug focal person sa Oro wellness program, nga nisaka gyud ang problema sa druga human nga namalik ang mga anaa sa recovery program tungod na usab sa kwarantinas, kakulangon sa oportunidad sa pagpanarbaho ug wala'y mga aktibidades ug uban pa.
"It's also very unfortunate to note kay ang atong mga kauban sa recovery, atong mga igsuon sa recovery naa'y struggle now with dealing with the relapse. Daghan sa atong mga kauban nga nibalik gyud sa paggamit sa ginadili nga bisyo even into selling no daghan tag ga-feedback na-received especially coming from the barangay nato," matud ni Descallar.
Gidugang pa nga imbes nga masita tungod sa curfew hours, masikop kini diha sa ginadiling druga human makitaan nga dunay dala niini.
Gikabutyag usab nga posibleng human sa krisis naay posibilidad nga mag-atubang pagbalik sa problema sa drug addcition ug sa mental health.
Gikabutyag usab ni nga sa pangutana kung ang problema sa Covid-19 makasulbad ba sa drug addiction.
"Ang Covid-19 ba solve our problem in drug addiction? But no because of this stress, because of the quarantine, the lack of activities and lack of livelihood opportunities, our recovering drug respondent labi na tong wala pa sa recovery," dugang pa ni Descallar.