NIPAGAWAS og listahan ang http://www.thephilippines.com kalabot sa lima ka mga maanyag nga lugar sa Mindanao nga kinahanglan mabisita sa mga turista ug nag-numero uno niini ang isla sa Camiguin: ang Mantigue Island.
#1 - Mantigue Island nga makita sa Camiguin, Mindanao, Philippines diin mas naila kaniadto nga Magsaysay Island ang gilibutan sa upat ka ektaryang kakahuyan ug makita taliwala sa tin-aw nga dagat ug labihan ka puti nga balas. Mas pilion sa turista nga mag snorkling dinhi dapit.
#2 - Dako Island nga makita sa Siargao Island, Surigao del Norte. Kini makita sa Surfing Capital of the Philippines diin ang ka romantiko sa lugar ug luwas mahimo nga makatulog sa mga cottages dapit ug magsilbing suga ang sinag sa bulan.
#3 - Tinago Falls Iligan, Lanao del Norte ang usa sa main tourist attractions sa Iligan, ang Dakbayan sa Southern Mindanao nga nailang City of Majestic Waterfalls. Maka-wow ka sa nagtago nga waterfall diin labihan ka limpyo ug kabugna sa tubig ug maabot kini pinaagi sa pagsaka sa mokabat 400 kapin ka ang-ang sa hagdanan.
#4 - Tinuy-an Falls sa Bislig, Surigao del Sur nga giilang Booming City by the Bay nga maoy giilang numero unong destinasyon sa lugar. Ang Tinuy-an Falls gitawag nga Niagara Falls of the Philippines.
#5 - Eden Nature Park sa Davao City diin 95 porsiyento nga ginama sa tao ang mountain resort. Adunay 100,000 pine trees nga gitanom sa 80 ektarya. Ang Eden Nature Park mi-offer og kalingawan sa kalihokang pangpamilya diin ilang maenjoy ang park’s buffet, sky cycling, zip lining, day tour, ug fishing.