SUPERBALITA DAVAO

Talento: The new normal

Panglantaw

HELLO mga Sis ug Bro, kumusta na mo? Wala pa ba gikubalan inyong mga likod ug tangkugo? Bisan humok kaayo ang higdaanan, mosakit gihapon ang atong mga kalawasan sa kadugay'ng hinigda, tama?

Matud pa sa uban nakong mga higala, morag wala nay kalainan ang Lunes hangtud Dominggo kay ang kahayag sa adlaw ug kangitngit sa kagabhion na lamang ilang mabantayan. Wala na may ginaapas nga sweldo kay wala na may trabaho hu hu!

Tungod lisod sa panalapi, tuyuon na lamang gayud og matag alas onse sa buntag aron mausa na lang ang pamahaw ug paniudto sa gasto. Manihapon pod og alas nuwebe sa gabii aron dugay mokutoy ang tiyan kay dugay man mobangon inig kinaugmaan.

Sa pagkatinuod, ang pagpanarbaho sulod sa balay daw hayahay apan potensyal pod kini nga source sa stress (problema) sa kadaghanan kay lagi wala naandan. Kanya-kanya na og diskarte ang katawhan aron ang ilang oras dili mausikan.

Ang naay mga bakanteng luna, nakapananum og mga utanon. Ang walay kayutaan, nagmantinir og pananum sa mga kaang o mga plastik nga sudlanan aron naa lamang makalingawan. Gawas sa pandugang sa panud-an, mamahimo pod kining mabaligya sa kasilinganan.

Bisan kasilyas, bodega ug kanal nangalimpyo kay nahimong ehersisyo sa mga senior o katigulangan kay wala naman silay ubang obra kay bawal man sila nga maglaag-laag sa kadalanan.

Ang mga taga Davao City nga hanas sa teknolohiya ug aktibo sa social media, ang "cluster wars" ang gikalingawan. Dunay mga pakatok sa katuyoang molingaw sa kadaghanan. Walay personalan of course. Dagkong premyo, diin ang sponsors bigatin kaayo. Usa na si Kongresman Paolo Duterte, ug ang pinakaabtik nga mayorang si Inday Sara Duterte-Carpio.

Cash, softdrink ug pagkaon nga liboan ang kantidad ug kadaghanon ang gikahinamang maangkon sa mga sumasalmot gikan sa tanang cluster, goodluck!

Ang mga kabatan-onan nga puno sa energy, makapangita gayud og kulitugon, Mare, kay lisod baya pod kanila nga magpundo sa dugay'ng panahon bisan pa tapulan kaayo ang kadaghanan kanila, igsuon.

Sa among purok, bisan pigado, nahimo naman hinuong manggihatagon ang mga silingan nako. Naa gihapon ang tsismis sa kahapunon apan nag-social distancing kay sa gate lang man taman unya ang tingog ra ang pakusgan. Minus na ang panglibak kay basig madunggan sa kadaghanan he he!

Ang mga kabag-ohan alang nako, dili gayod daling ikinabuhi apan morag mas nindot nga ato na gayud kining dawaton kay mao na kini ang “bag-ong normal" karon. Lisud tinuod apan dili nato kontrolado tanang butang sa atong kinabuhi ug kalibutan. Pahinumdom kini sa kalangitan nga Siya ra gayud diay ang gamh


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph