SUPERBALITA CAGAYAN DE ORO

Kapitolyo mitunol og PPEs sa City Jail

USA ka turn-over ceremony ang natigayon adlawng Biyernes, Abril 20, 2020 sulod sa Provincial Governor's Office ngadto sa Cagayan de Oro City Jail kung diin sila gitunolan og lima personal protective equipment (PPE Suit-D); 500 ka face mask; 30 ka face shield ug lima ka sako sa commercial rice.

Personal kini nga gidawat ni SJO4 Gener Galamban-ang Security and Control Officer/Team Leader sa outside quick response team ug ni SJO3 Joel Tan - Investigator, Assistant Team Leader sa outside quick response team.

Matud ni Tan nga dako kini nga tabang ngadto kanila nga na-asign sa lock-in ug lock-out nga sistema sa mga jail officer sulod sa prisuhan ug mapasigarbuhon nga hangtod karon panahona walay kaso sa Covid-19 ang sulod sa City Jail.

"Dako kaayo ni ikatabang kanamo ug nanagana nalang ko kay ang uban city jail naa nay na-infect, at this time we are very lucky nga ang Cagayan de Oro City Jail is Covid-19 free," matud ni Tan.

Dugang niini nga ang mga protective equipment dako kaayo og tabang hilabina sa mga striktong pagpatuman sulod sa prisuhan.

"Panagana kini kay lisod masudlan labina atong mga priso nga vulnerable karon," dugang niini.

Sa iyang bahin ni Governor Bambi Emano nisugyot nga unta ang city jail maglusad sab og E-DALAW sama sa Misamis Oriental Provincial Jail nga ang mga priso makakita sa ilang minahal sa kinabuhi pinaagi sa internet samtang karon nga gidili usa ang mobisita kanila.

Ang turn-over gipangunahan nila ni Emano nga live via zoom ug Dr. Jerie Calingasan, Misamis Oriental Jail Warden Dominador Tagarda, Provincial Veterinary Office Head Dr. Benjamin Resma ug Board Member Dexter Yasay.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph