DUHA ka mga lalaki nga pulos benepisaryo sa Social Amelioration Program (SAP) nga ayuda sa gobyerno ang gi-aresto niadtong April 24, sa Celrai, Puntod ning siyudad sa Cagayan de Oro.
Kini gumikan sa ginadili nga pag-inom og makahubog sa mga publikong lugar.
Naabtan pa sa kapulisan sa Police Station 5 (PS5) sa Macabalan ang mga ilimnon nila ni Claver Lomongo, 39, ug Archer Bacala, 40, kinsa pulos benipisaryo sa programa sa gobyerno.
Gibutyag ni Police Major Ivan Viñas ang tigpamaba sa Cagayan de Oro City Police nga bag-o lang nakadawat si Lomongo sa gitunol sa Department of Social Welfare and Development (DSWD) nga P6, 000.
Ang duha adunay kasupakan sa ordinansa sa siyudad nga CO 5133-95, liquor ban ug EO 053-2020.
Gikatakdang pasakaan og kaso ang duha nga anaa na karon nagtingkagol sa prisuhan.