TALIWALA sa dakong risgo sa Covid-19, gipadayoan gihapon didto sa Nicaragua ang ilang boxing event.
Sa gihimong boxing event sa Managua, nagsuot og sporting face masks ang referees, judges, media, fans ug mga ring girls.
Ang promoter nga si Rosendo Álvarez, kanhi two-time world champion, wa matalaw sa hulga sa virus.
"Here we don't fear the coronavirus, and there is no quarantine. The three deaths (reported so far by the Ministry of Health) came from outside and nobody within the country has been contaminated," ni Álvarez nga nailhan kaniadto nga "El Búfalo."
Apan ang tanyag nga libreng tiket wa kapuno sa 8,000 nga kapasidad sa Alexis Argoello gym.
Dugang ni Alvarez nga gipapirma niya ang 16 ka lokal nga boksidor kay nagkinahanglan sila ug trabaho.
"Nicaragua is a poor country and the boxers have to eat. They can't stay shut up in their house," suma niya.
Luyo sa boxing ginaduwa gihapon ang baseball ug soccer sa maong dapit.
Gimando sab ni President Daniel Ortega ngadto sa 1.8 million ka estudyante nga mobalik na's tunghaan ug ang 170,000 ka state employees nga mobalik na sab sa trabaho human ang 15 diyas nga bakasyon.