SIYAM ka mga residente sa Pinikitan, Camaman-an, siyudad sa Cagayan de Oro ang gi-monitor gumikan kay nakasinati og influenza-like illness.
Ang lugar adunay natalang nagpositibo sa coronavirus disease (Covid-19) niadtong niaging semana ug nakabsan na sa kinabuhi.
Gibutyag ni Cagayan de Oro City epidemiologist Dr. Joselito Retuya nga ang maong barangay ang gipaubos og extensive acute health surveillance ngadto sa tanang lumulopyo.
Niadtong April 24, 25, ug 26 nasuyod sa mga health volunteers ang maong sitio nga adunay kinatibuk-an na nga 1,300 households.
Adunay siyam ka mga indibidwal nga nagpakita og influenza-like illness, natambalan na ang upat niini ug padayon nga gitambalan ang lima.
Naghangyo si Retuya sa mga residente sa maong dapit nga magpuyo sa ilang tagsa-tagsa ka panimalay ug maglimpyo sulod sa ilang mga puloy-anan.