GIKUMPIRMAR ni Cagayan de Oro City epidemiologist Dr. Joselito Retuya nga tanan nga mga nahalubilo sa namatay nga pasyente nga nagpositibo sa coronavirus disease (Covid-19) diha sa Pinikitan, Barangay Camaman-an ang gi-monitor na og maayo.
Sa bag-ong kalamboan gipahibalo niini nga ang pamilya sa namatay nga positibo sa Covid-19 ang anaa karon sa city isolation unit ug padayon sa kwarantinas. Wala sila nakitaan og sintomas.
Giklaro sab niini nga ang bag-ong namatay nga gikan sa Jr. Borja Camaman-an, siyudad sa Cagayan de Oro ang nakita nga walay relasyon sa nagpositibo ug naa ra sa panimalay niini sa pagsugod sa community quarantine.
Gibutyag sab ni Retuya nga ang doktor ug sekretarya sa Sabal Hospital nga nakahandle sa nagpositibo niadtong April 10 ang wala unusual nga sintomas nga nakita apan hugot gihapon nga gimonitor.
Gikumpirmar niini nga duha ka mga nurses sa usa ka pribadong ospital nga adunay close contact niadtong nagpositibo ang gi-admit karon panahona human nakasinati og pag-ubo ug asthma.
Gikuhaan na kini sila og swab test ug gapaabot pa sa resulta karon panahona.
Dugang niini nga naningkamot karon ang DOH sa pakigtambayong sa City Health Office aron madeterminar kinsa pa ang infected.