GIKUMPIRMAR n Jeffrey Saclot, ang tigpamaba sa Provincial Task Force for Covid-19 nga dako kaayo ang posibilidad nga adunay extension sa general community quarantine (GCQ) nga kutob lang unta karon April 30, 2020.
Giplano na kini daan pa sa Task Force Covid-19 bisan pa sa wala pa nagdeklarar si Presidente Rodrigo Duterte nga adunay extension ug kadtong pagpagawas sa mga moderate risk nga mga probinsya nga ubos sa general community quarantine.
“Ma extend gyod ang GCQ even before President Duterte’s declaration. Nag-decide na mga mayores, ang mga mayores gikuhaan sila og side and tanan naa didto nitambong in favor so expected that we extend the GCQ from May 1 to 15,” pahibalo ni Saclot.
Gipasabot sab niini nga taliwala paman nga walay kaso sa Covid-19 ang lalawigan sa mapa parte niini ang siyudad sa Cagayan de Oro nga adunay positibo sa sakit nga sa listahan sa Department of Health ubos nasulod kini sa moderate risk nga probinsya.
Ang probinsya sa Bukidnon ang anaa sa low risk sa Covid-19.