Online contest sa PYDO kutob nalang April 30

JUDGING na sa Huwebes, Abril 30, sa digital online contest nga gilusad sa buhatan sa Provincial Youth Development Office (PYDO).

Malipayon si Allyn Peñalosa, ang PYDO head, nga suportado kaayo sa mga kabatan-onan ang ilang inisyatiba nga digital contest kon diin ang konsepto nganong gilusad kini aron malambigit ang kabataan sa insakto nga pamaagi sa pagamit sa social media.

“Among concept nga ma-engaged ang kabataan sa insakto nga pamaagi sa pagamit sa social media,” matud ni Peñalosa.

Dugang niini nga dili niya bout nga ang mga kabataan samtang anaa karon sa ilang tagsa tagsa ka panimalay, nagpuyoay samtang malikayan kining coronavirus disease (Covid-19) adunay positibo nga mahimo diha sa social media.

Gikagoul niini nga maglambigit kining mga batan-on diha sa mga online rambulan ug uban pa.

Ang unang batch sa online contest sa PYDO may kalambigitan nga tema sa kinaiyahan labina nga bag-o lang gisaulog ang Earth Day.

Gipasabot sab niini nga duha ka klase ang online contest nga mao kining digital arts contest ug spokenword poetry contest nga adunay tema “Kabatan-onan para sa Kinaiyahan”.

Ang digital arts contest adunay 13 ka mga official entry nga magtigi kinsa ang pinakagwapo nga digital drawing samtang ang spoken word poetry adunay 22 ka official entry kon asa usa ka balaknon nga maghisgot mahitungod sa importansya sa kinaiyahan.

Mokantidad sa P3,000 ang premyo sa first prize, P2,000 ang second prize ug P1,000 ang third prize.

Hangtod karong Abril 30 na lamang kutob ang judging niini ug giaghat ni Peñalosa ang kabatan-onan nga bisitahon ang Misamis Oriental Youth Development Office nga Facebook page ug i-like lakip ang mga official entries ug i-share kay aduna gihapon gahulat nga ganti sa daghan engagement nga entry.

Malipayon usab si Peñalosa nga gidayeg ni PCOO Secretary Martin Andanar kini nga pa digital contest tungod kay engaging sa mga kabatan-onan ug talagsaon labina karon kasamtangan nakigbatok sa makamatay nga virus ang nasud.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph