BISAN paman sa panawagan sa pipila nga i-lockdown ang partikular area sa Pinikitan, Barangay Camaman-an, siyudad sa Cagayan de Oro apan giingong bugtong makahukom niini mao lamang ang lokal nga kagamhanan.
Martes, Abril 28, atol sa Regional Task Force for Covid-19 virtual press briefing, gibutyag ni Department of Health (DOH)-Northern Mindanao director Adriano Suba-an nga gitahasan niya ang City Health Office nga maoy motutok sa Pinikitan.
“Well gina-monitor nato na ang kaso especially diha sa Pinikitan and we are actually coordinating the city Epedimiologist Dr. Joselito Retuya regarding the findings kung unsa na ang nahitabo,” matud ni Suba-an.
Gibutyag niini nga ang latest update, natapos na ang contact tracing sa 17 ka mga tawo nga gikwarantinas karon panahona sa city isolation unit ug kini sila mga asymptomatic, nagpaabot pa usab kini sila og rapid test.
Ang mga health workers nga naay close contact kanila ang gipaabot pa usab ang resulta sa swab test.
Gipasabot sab niini nga gitun-an karon sa City Health ang desisyon nga lockdown labina ang decision maker niini mao ang dakbayan sa Cagayan de Oro.
“There’s pronouncement gahapon nga there is not enough evidence pa daw for doing that what they are asking nga total lockdown so we are in contact with them today kasi the regional office is also interested of this.” pasabot ni Suba-an.
Dugang niini nga ila sab gilantaw ug gisiguro ang pagmonitor sa close contact sa nagpositibo sa Covid-19 sa Camaman-an.
“We look into the cases and to make sure nga kadtong mga suspect nga close contact sa nag-positive can also be monitored so that appropriate actions will be done,” matud ni Suba-an.