GISIGURO sa Northern Mindanao Medical Center (NMMC) nga luwas ang balay tambalanan tungod kay nakasubay sila sa estrikto nga polisiya sulod niini.
Kini ang gipaniguro ni Dr. Bernard Rocha ang medical specialist sa NMMC atol sa Cagayan de Oro City daily press conference.
“Ang NMMC still remains as safe as we can be ug amo gyud ire-affirm ang NMMC. We have a very strict policy. We have policies in our hospital in place para sa protection sa general public for our staff,” matud ni Rocha.
Giklaro usab niini nga sukwahi sa migawas nga mga report nga adunay natakdan sa sulod sa ospital. Ang hospital gipaagi og ubay-ubay nga layer sa triaging ug adunay cold ug hot zone.
“Usahay madugayan nga makasulod ang pasyente because this is a protection of our patients and other employees because we have several layers of triaging. There are cold and hot zone sa amo,” pasabot niini ug miklaro nga lahi ang gabantay sa Covid-19 area ug lahi sab sa outpatient area.
“Ang among staff dinha kanang gabantay diha sa among Covid area is very different from our staff who handles our outpatient department,” matud niini.
Gihimo sab kini sulod sa tambalanan aron maproteksyunan ang pasyente ug staff.
“Just to give you a picture out of 143 employees with on standard protocol na quarantine after their duties in our Covid areas they are all doing well so they’re back to work,” pasabot niini.
Buot sab niini ipasabot sa publiko nga protektado ang sulod sa balay tambalanan.
“Gusto lang nako i-reiterate sa public nga we have policies in our hospital in place para sa protection sa general public for our staff,” pagpasabot pa niini.