SA gihapon, mosandig ang Ginebra Kings sa ilang import nga si Awvee Storey sa dihang ilang suwayan paglugit ang ikaduhang kadaugan batok sa Sta. Lucia Realty karong gabii sa 35th Philippine Basketball Association Fiesta Cup sa Cuneta Astrodome.
Ang 33 anyos ug 6-5 nga gikan sa Arizona State University, mitali og 33 puntos, gawas sa iyang 16 ka rebounds sa dihang ilang gibuntog ang Talk ‘N Text sa opening day.
“He is not flashy but he is an all-around player, he got little of everything,” nagkanayon si Ginebra coach Jong Uichico.
Samtang ang Tropang Texters inabagan sa beteranong si Shawn Daniels mosuway pagbawi sa ilang kapildihan ug ning higayona ilang ikabaga ang Rain or Shine nga mosugod sa alas 5 sa hapon.
Ang comebacking nga si Jai Lewis maoy pambato usab sa Rain or Shine. Ang 6-6 nga Lewis, kaubang ni Gabe Norwood sa George Mason University. nagtinguha usab og laing mabungahon nga performance karong tuiga.
Si coach Caloy Garcia moparada usab sa iyang mga Fil-Ams nga sila si Norwood, Solomon Mercado ug ingon man nila ni Allan Salangsang, Don Dulay, Eddie Laure ug Jay-Arr Reyes, TY Tang, Jervi Cruz, Michael Hrabak ug Jeff Chan.
Mosuporta usab ni Daniels sa Tropang Texters mao sila si Jimmy Alapag, Jason Castro, Harvey Carey, Ali Peek, Jared Dillinger, Poing Escobal, Ranidel de Ocampo, Aaron Aban, JR Quinahan ug Mac-Mac Cardona.