NAGPAABOT sa iyang kadismaya ang chairman sa Misamis Oriental Provincial Task Force for Covid-19 nga si Dr. Jerie Calingasan ngadto sa dakbayan sa Cagayan de Oro.
Kini gumikan kay taliwala sa dili tiaw nila nga paningkamot nga dili masudlan ang lalawigan sa Misamis Oriental, giingon niining ang siyudad sa Cagayan de Oro nga adunay natalang kumpirmado sa Covid-19 walay plano pagpakgang niini.
Dugang ni Calingasan nga imbes unta duha na lamang ka semana posible na nga mahugak-hugakan ug posibleng mawala na ang general community quarantine nga gipatuman apan tungod sa bag-ong natala sa siyudad sa Cagayan de Oro nga dunay nagpositibo adunay dako nga risgo ang lalawigan sa Misamis Oriental.
“We are just two weeks away nga basin ma lift or basin ma loosen na ang atong pagka general community quarantine sa atong Misamis Oriental. There had been a lot of initiative there, had been a lot of anticipations that had been done so that the spread of this sars cov 2 will not be in the province of Misamis Oriental,” matud ni Calingasan.
“Now what is very frustrating today. Ako mong storyahan ha. What is very frustrating is that we haven’ t heard any plans from our neighbors on what they will do after having confirmed cases of Covid-19 with no history of travel and still establishing a history of exposure,” dugang niini.
Gipasabot ni Calingasan nga asa gikan ug kang kinsa nagikan ang corona virus nganong duha ka pasyente nagpositibo sa Covid 19 sa dakbayan.
“It’s so frustrating that today we do not hear any plans on our neighbors on what to do on this confirmed situation that the province of Misamis Oriental is at very high risk,” matud ni Calingasan.
Gipaabot niini nga adunay balaod nga ubos sa general community quarantine karon panahona ang kinahanglan subayon sa Misamisnon.
Ang mga empleyado sab sa kapitolyo gimandoan niini nga dili usa moagi tungod sa ospital sa Northern Mindanao Medical Center (NMMC).