GIPASABOT ni Dr. Adriano Suba-an, ang chairman sa Regional Task Force for Covid-19 ug regional director sa Department of Health-Northern Mindanao, nga lisod kaayo i-pinpoint kung asa nakuha sa duha ka mga nagpositibo sa coronavirus disease (Covid-19) nga taga Cagayan de Oro.
Ang unang pasyente mao ang namatay nga taga Pinikitan, Camaman-an, siyudad sa Cagayan de Oro ug ang 21 anyos nga naadmit karon panahona sa Northern Mindanao Medical Center (NMMC) nga taga Lumbia.
Matud ni Suba-an nga lisod tubagon kung asa nakuha niini nga mga pasyente ang maong virus.
"To directly pinpoint kon asa gyod nakuha, that's very hard kung asa gyod nakuha because we are dealing the invisible virus, dili man nato siya makita but it doesn't mean also that we are blind," matud ni Dr. Suba-an atol sa virtual press briefing Martes, Mayo 5.
Apan gibutyag niini nga natun-an nila ang transmission nga posibleng hinungdan nganong nataptan ang nagpositibo.
"We know the transmission we have identified the traces nga medyo ang exposure nga dako ang posibilidad kung moadto ka sa usa ka lugar matakdan ka kung naay positive na tao," matud niini ug miingon nga ang mga crowded areas dako og tsansa nga daghan mataptan kung adunay nagpositibo.
Mga tauhon nga lugar sama sa mga crowded living condition, merkado, dormitories, prisohan, sabungan ug uban pa.
Sagad dayon sa ipanumangil kining mga ospital nga posibleng dinhi natakdan nga maoy rason gaka-discriminate ang mga health workers apan pagklaro ni Suba-an nga dili angayan tungod kay kini sila maoy mga frontliners.
Ang ilang gihimo karon ang pagpadayon sa pagkuha sa mga testing niadtong mga close contact niining mga nagpositibo ug makatabang sab sa pagtumbok niini ang gitakdang pagbaton sa rehiyon sa duha ka mga testing laboratories.