TUNGOD sa labing una ug paspas nga nihatag sa social amelioration package, gipasidunggan sa Department of the Interior and Local Government (DILG) ang 34 ka mga lungsod sa Northern Mindanao.
Gibutyag ni DILG Regional Director Arnel Agabe nga kini nga mga lungsod naka-meet sa ilang deadlines.
"Gusto nako hatagan og pasidungog atong mga LGU (local government unit) nga naka meet sa deadlines nga 100 percent ang ilang distribution sa Social amelioration package," butyag niini.
Ang maong mga lungsod nga gibutyag niini nga adunay exemplary performance mao ang lungsod sa Dangcagan sa probinsya sa Bukidnon; Guinsiliban, Mahinog ug Sagay sa probinsya sa Camiguin; Bacolod, Balo-i, Baroy, Kapatagan, Kolambugan, Magsaysay, Matungao, Pantao Ragat, Tagoloan ug Tangcal sa probinsya sa Lanao del Norte.
Samtang ang Binuangan, Claveria, Gitagum, Lagonglong, Laguindingan, Magsaysay, Medina, Naawan, Salay ug Talisayan sa Misamis Oriental ug Oroquieta City, Baliangao, Bonifacio, Calamba, Clarin, Don Victoriano, Panaon, Sapang Dalaga, ug Tudela sa Misamis Occidental.
Matud ni Agabe nga buot niya nga ipaabot sa mga kapitan sa barangay niini ug mga mayore sa maong lungsod ang iyang pagdayeg ug pasalamat.
"We are recognizing the efforts sa atong mga local chief executives, sa atong mga barangay nga kini sila nagtubag deretso sa intruction sa atong presidente Rodrigo Duterte nga mahatag dayon sa katawhan," dugang niini.
Kini tungod kay kini sila nga mga lungsod ang dako og efforts sa pagtubag sa panawagan ug instruction ni Presidente Rodrigo Duterte nga kinahanglan mahatag dayon ang social amelioration package sa mga residente sa walay pagdugay.
"Gusto nako hatagan og pasidungog atong mga LGU nga naka meet sa deadlines nga 100 percent ang ilang distribution sa social amelioration package. Gibutyag niini nga makadayeg nga paspas nilang nahatag tungod kay susama sa panultihon nga aanhin mo ang damo kung patay na ang kabayo," matud ni Agabe.