DILI pahatagan og hinabang ang 300 ka mga tawo nga nadakpan sa tigbakayan sa nagkalainlaing kalungsoran sa Sugboo atol operasyon sa Cebu Provincial Police Office (CPPO) sa pagpatuman sa enhanced community quarantine (ECQ).
Si Police Colonel Roderick Mariano, hepe sa CPPO, niingon nga mao kini ang iyang irekomendar ngadto sa local chief executives subay usab sa pamahayag ni Presidente Rodrigo Duterte nga dili mahatagan sa pinansyal nga ayuda ang mga madakpan nga magsugal atol sa ECQ.
Gipklaro ni Duterte nga kinahanglan pa gihapon nga tan-awon kung dili ba magutman ang tibuok pamilya niini sa sugarol.
“It is our recommendation na sasabihan namin yung chief of police namin to recommend duon sa kanilang mga respective local chief executive kaya nga ang sabi nga natin depende yun kung gusto nilang o baka yung tao lang ang tumatanggap yun yung alisan baka ibigay lang duon sa asawa o whatever sa isang pamilya kase baka hindi payagan na magutom naman yung pamilya,” matod ni Mariano.
Sa kutlo ning balita, wala pa masayri kung aduna na bay mga lcal goverment units (LGUs) nga misanong sa maong sugyot.
Samtang, mimando na usab si Police Brigadier General Albert Ignatius Ferro, direktor sa Police Regional Office (PRO) 7, sa iyang mga city ug provincial police office directors lakip na ang mga investigation unit sa PRO 7 nga mo-monitor sa nga lokal nga opisyal nga nalambigit sa kurapsyon nga mipahimulos sa kwarta sa gobyerno ning panahon sa krisis.
Tinguha nila nga ang giandam nga kantidad maadto sa angayan nga hatagan nga gitawag nga kabus sa tanang kabus nga labing apektado sa coronavirus disease 2019 (Covid-19).
Pasabot ni Ferro nga sa dihang mimando sila sa mga tawo nga magpabilin sa ilang tagsatagsa ka mga balay kinahanglan makasugakod sila hangtod matapos ang krisis nga nasinati sa tibuok nasud.
Iya usab nga gimandoan ang Criminal Investigation and Detection Group (CIDG) 7 nga moabag sila sa pag-imbestigar sa LGUs nga pakyas pagpang-apud-apod sa hinabang pinansyal sama sa social amelioration program(SAP) ngadto sa tinuod nga kabus.
Kini human nga adunay daghang reklamo nga nadawat ang mga ahensya sa gobyerno labot sa giingong dili patas nga pag hatag sa maong ayuda. (AYB)