SUPERBALITA CEBU

Deadline paghatag og hinabang sa SAP karon

KARON, Huwebes, Mayo 7 mao ang deadline sa tanang local government units (LGUs) sa pagkompleto sa paghatag sa hinabang sa Department of Social Welfare and Development (DWSD) ubos sa social amelioration pogram (SAP).

Apan kon basehan ang datus sa DSWD 7, Mayo 6 sa udto, anaa pa lang sa 59% ang natunol sa LGUs sa maong ayuda ngadto sa target nga pamilya.

Subay niini, mianunsiyo na usab ang DSWD nga kon kinahanglan mo-extend ang LGUs kay wala pa sila nahuman sa maong ayuda, ngadto na sa Department of Interior and Local Government (DILG) sila mosuwat aron mangayo og extension.

Mao kini ang gipahibaw ni DSWD 7 assistant regional director Shalaine Marie Lucero.

Gipasabot ni Lucero nga tungod kay ang DILG maoy adunay technical supervision sa LGUs hinungdan nga adto sila mosuwat sa ilahang extension.

Central Visayas

Sa labing uwahi nga datus sa DSWD 7, anaa palang sa 624,372 ka pamilya palang ang nahatagan sa P6,000 sa Central Visayas.

Mokantidad kini og P3,746,232,000 gikan sa kinatibuk-an nga budget nga P6,348,450,000.

Sa Central Visayas anaa sa 1,058,075 ka pamilya ang target beneficiaries nga makadawat sa maong ayuda.

Kon basehan ang gidaghanon sa mga nakadawat na sa payout anaa na sa 91% ang Negros Oriental, 87% sa Bohol 66% sa Siquijor ug 37% sa Cebu.

Ang Negros Oriental nakahatag na sa 226,885 ka pamilya ang nahatagan sa ayuda diin P1.3 bilyon na ang nahatag niini gikan sa 250,021 ka target families ug P1.5 bilyon nga alokasyon.

Sa Bohol anaa na sa P947,586,000 ang nahatag sa 157,931 ka pamilya gikan sa target nila nga 181,710 o kapin P1 bilyon nga alokasyon.

Ang Siquijor anaa na sa 18,576 ang pamilya nga nahatagan diin nagkantidad kini og P111 milyon gikan sa 28,126 ka target families niini ug P168 milyon nga alokasyon.

Ang Sugbo anaa na sa 220,980 aka pamilya ang nahatagan og ayuda diin nagkantidad kini og P1.3 bilyon gikan sa 598,218 ka target families ug P3.8 bilyon nga alokasyon.

Matod ni Lucero nga usa ning mga lista nga dili illegible ang nakadugay tungod kay ipaubos paman kini og validation.

Gipasabot usab sa DSWD 7 nga dili diha-diha makahatag ang LGUs sa ayuda hilabi na sa lugar nga daghang positibo nga kaso.

Klaro ang criteria sa DSWD nga kadtong kabus, gamauy ang sweldo ug ginagmay ang pangita mao ang mga benepisyaryo sa maong ayuda sa gobyerno subay niining Covid-19 crisis

Mihangyo

Samtang, ang presidente sa League of Municipalities of the Philippines (LMP) ug Liloan Mayor Christina Frasco nipadala og suwat sa kadagkoan sa DILG ug Department of Social Welfare and Developement (DSWD) sa paglugway sa deadline karong Mayo 15, 2020.

Matod sa kadagkoan sa mga lungsod nga naglisod sila sa pag-irog tungod sa pag-usab-usab sa guidelines sa angay nga ma hatagan sa ayuda.

Busa karon, Huwebes, abril 7, ipadayon ang pagpang-apud-apod sa SAP sa kalungsoran.

Ug ang nakakompleto na mao ang mga lungsod sa Alegria, Argao, Barili, Carmen, Daanbantayan, Madridejos, Pilar, Poro, San Francisco, San Remigio, ug Tudela.

Nisaad ang kadagkoan nga mahuman og hatag ang tanan sa dili pa ang kataposang adaw sa tagal sa paghatag niini. (HBL, ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph