GIPASABOT sa Sugboanong basketbolista nga si Roger Yap nga na-misinterpret lang kabahin sa iyang pagkahilambigit sa usa ka kontrobersya.
Si Yap, kinsa kanhi magduduwa sa Philippine Basketball Association (PBA), giakusahan ni Pasig Mayor Vico Sotto nga nibuhi'g mahait nga mga pulong ngadto sa usa ka City Hall personnel nga nanghatag og relief goods.
Giangkon ni Yap sa Spin.ph nga siya maoy gitumbok ni Sotto nga ex-PBA player.
“Ako 'yun. Pero hindi ako nagwala. Kasi bakit ako magwawala eh tumutulong na nga yung LGU namin sa mga tao,” matod sa kanhi PBA All-Star, kinsa nakaduwa sa Purefoods, FedEx, Shell, San Miguel, ug Barako Bull.
Matod sa produkto sa University of San Jose Recoletos (USJ-R) Jaguars nga igo ra siyang misulti sa barangay officials sa Mangahan, Pasig nga mohatag sa relief goods sa pamaagi nga makapugong sa pagkatap sa coronavirus disease 2019 (Covid-19).
“Ang totoo nyan, sinabihan ko 'yung mga tao ng barangay na huwag na nilang papilahin pa ang tao para kunin yung grocery na worth P300, ibigay na nila sa bahay-bahay yung grocery,” pasabot ni Yap sa Spin.ph.
“Yan din naman ang utos ni Pangulong Digong. Ibigay na ng diretso para hindi na pipila, maiiwasan yung hawaan.”
Alang kang Yap, dili maayo nga palinyahon pa mga resident sa Green Park aron pakuha sa relief goods gumikan kay dili malikayan nga dili matuman ang social distancing ning maong pamaagi.
“Yun lang ang sinabi ko. Siguro dahil sa Bisaya ako, akala nila galit ako. Kaya na-misinterpret ako. Pero hindi ko aawayin ang tao ng barangay lalo na si Mayor Vico, bayaw siya ng barkada ko (Marc Pingris),” pasabot ni Yap.
Gibutyag ni Yap nga nakikita na siya kang Sotto sa opisina niini aron ipadayag ang iyang habig. (ESL)