ANG Suba, Lahug, ug Luz mao na lang ang mga barangay sa dakbayan sa Sugbo nga wala pa makasumiter sa ilang social amelioration program (SAP) forms, sumala sa Department of Social Welfare and Services (DSWS) kagahapon, Abril 7.
Ang mga barangay kapitan sa naasoy nga mga barangay nagkanayon nga nalangay sila tungog sa prsensiya sa coronavirus disease (Covid-19) cases sa ilang barangay.
Si DSWS chief Jeffrey Ibones nakanayon nga ang iyang buhatan mohatag og lugway hangtod sa Dominggo, Mayo 10, sa pagpang-apud-apod sa hinabang.
Niadtong Mayo 7, Huwebes, ang kataposang adlaw sa extended deadline sa pagtunol sa hinabang.
Lapu-Lapu
Gipasabot ni Association of Barangay Council ABC President Eduardo Cuizon sa dakbayan sa Lapu-Lapu nga wala gayuy kalabotan ang mga kapitan sa pagpili sa makadawat sa P6,000 nga Sap Sa ilang konstituwente.
Kini ang giluwatan nga pamahayag ni Cuizon human nga giuwan ug reklamo ang mga kapitan sa wala makadawat sa SAP bisan kwalipikado.
Sumala ni Cuizon nga human nga inisyal nga nanglista ang City Social Welfare Development Office (CSWDO) ang nipaubos sa listahan sa beripikasyon mao ang DSWD-7.
Gihulagway ni Cuizon nga walay klarong verification process ang DSWD-7 sanglit nakadawat siya ug taho nga gipaagi ra ang pagsuta sa lista pinaagi sa pagtawag inay nga bisitaon house to house aron masuta ang tiunayng kahimtang sa nalista ug kabus ba kini.
Ang Super Balita nakadawat ug ubay-ubay nga mga reklamo sa dakbayan kalabot sa nakadawat sa SAP sama pananglit sa nagdoble ug dawat gumikan kay nakadawat na kini sa 4P's ug UCT (unconditional cash transfer).
Aduna usay nakadawat nga nindot ang panimalay ug pagkahimutang sa kinabuhi gumikan kay adunay sakyanan.
Ug aduna usay sobra sa usa ang nakadawat sa usa ka pamilya gumikan kay suod sa naglista.
Nanghinaot si Cuizon nga unta makorehian kini sa DSWD-7 sa higayon nga adunay ikaduhang hugna sa pagpang-apud-apod sa SAP sanglit makaluluoy ang mga kabus ng wala makadawat gumikan kay wala malista ug wala kapasar sa verification process.
"Nindot sa ilang evaluation is through phone how come makabawo ka nga pobre ka o dili through phone? unsaon nimo pagkabawo kung bati siya ug balay or nindot?," matod ni Cuizon.
Si Lapu-Lapu City Mayor Junard Chan sa iyang bahin una nang nanawagan sa mga Oponganon nga unta ang kadtong nakadawat sa SAP nga dili unta kwalipikado o nagdoble na ang nadawat sa pag-uli niini sa kagamhanan.
Sa pagkutlo ning balita aduna nay moabot sa sobra 20 ka mga indibidwal ang niuli sa ilang nadawat nga SAP assistance.
Gikatakdang ihatag ang naasoyng gahin sa mas nanginahanglang Oponganon pinaagi usab sa verification sa kagamhanan sumala ni Chan. (JLL, GCM)