Di tinuod 100 Covid negative

SUKWAHI sa sulti sa Kagamhanan sa Dakbayan sa Sugbo nga duna nay 100 ka mga lumolupyo sa Barangay Luz nga nagnegatibo sa coronavirus disease (Covid-19), 69 kanila kagahapon pa lang gani nakuhaan og swab test sa labing unang higayon sukad sila gi-quarantine.

Di tinuod nga duna nay pipila kanila nga andam na mouli.

Ang 69 ka mga pasyente nga nagpuyo sa Barrio Luz Elementary School kagahapon, Mayo 7, pa lang gi-test.

Sukwahi kini sa pamahayag ni Cebu City Administrator Floro Casas Jr. sa City Council nga pipila kanila andam nang i-release.

Ang mga pasyente sa barangay isolation center gi-test human sa paglabay sa tulo ka mga semana sukad sila gi-test niadtong Abril. Moabot na og 17 ka mga adlaw sukad sila gibutang sa BIC. Wa pa sab silay mga simtomas sa sakit.

Si Roy Genares, usa sa mga pasyente nga nagpuyo sa BIC, nisukwahi sa pamahayag nga dunay mga 100 ka pasyente sa Covid nga andam nang i-release.

Si Casas, sa Mayo 6, niingon nga mga 100 ka mga pasyente sa Covid sa BIC naulian na.

Apan nangatarungan si Casas nga igo ra siyang nagtaho sa kasayuran gikan sa City Health Department (CHD).

Iya usab nga gitumbok nga ang mga pasyente sa Covid-19 nga naa sa BIC sa Barangay Luz nga nisobra na sa 14 ka adlaw nga quarantine.

Siya niigon nga ang impormasyon nga gihatod kaniya, kini niingon nga mga 100 ka pasyente sa Covid-19 gikan sa Barangay Luz ikonsiderar na nga negatibo sa kagaw.

Iya pang klaruhon kay dunay mga pasyente sa Covid sa Brgy. Luz nga gi-home quarantine.

“That, I still have to clarify,” matod ni Casas.

Si Genares niingon nga sa iyang 17 ka adlaw nga pagpuyo sa BIC, way usa kanila nga nipakita og mga simtomas.

Siya niingon nga sila ang 69 nga first batch nga gibalhin sa tunghaan niadtong Abril 21.

Nakugang siya sa taho.

“Before it (information) will be released to the public, clarify it first,” awhag ni Genares.

Si Rowena Burden, social activist, nitumbok “erroneous announcement” nga gihimo sa Siyudad.

“That was grossly irresponsible of them. It has been more than twenty-four hours already since they made that erroneous announcement and they still have not explained how that happened,” matod ni Burden. (JJL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph