SUPERBALITA CEBU

2 ka barangay konsehal nadakpan sa tigbakayan

DUHA ka mga barangay konsehal ang nasikop sa kapulisan atol sa tigbakay sa Barangay Candabong, lungsod sa Dumanjug, alas 5:30 sa hapon niadtong Huwebes, Mayo 7.

Apil sa nadakpan ang menor de edad nga pag-umangkon sa usa sa mga konsehal nga nasikop.

Ang gipusasan mao sila si barangay konsehal Regelio Mayonila, 38, minyo ug konsehal Mark Gil Bendanillo, 35, ug ang 17 anyos nga si Giov (di tinuod nga ngan).

Si Major Ardioleto Cabagnot, hepe sa Dumanjug Police Station nga nahinabi sa Superbalita Cebu, nagkanayon nga nakadawat silag tawag sa mga nagpakabanang residente kabahin sa tigbakay.

Sa ilang pag-abot, kapin sa 30 ka mga tawo ang nagkatibuwaag pagpanagan.

Apan ang duha ka mga opisyal sa barangay nadakpan.

Matos ni Cabagnot, atol sa ilang imbestigasyon nasayran nga ang duha opisyal sa barangay.

Samtang si Mayonila nasayran nga igsuon sa barangay kapitan sa dapit nga si Placido Mayonila.

Ang kapitan nihimakak nga dunay kasayoran sa tigbakay.

Ang duha pasakaan og mga kaso kalapasan sa lagda sa enhanced community quarantine (ECQ) labi na sa social distancing ug illegal gambling. (GPL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!