SI WIZZA Jane Moreno, 24-anyos gikan sa Lower Kapayas, Brgy. Matiao dalhon ang ngalan sa Mati City alang sa Virtual Pageant sa Miss Philippines Earth 2020.

Aminado si Wizza nga sagad pagtuo kaniya sa mgaa tawo nga siya istrikta ug classy ug di kaayo makig-abi-abi sa uban.

Apan samtang siya nagdako nahibalag niya ang kaugalingon nug gihulagway niya kini nga siya open-minded ug lingaw nga kauban.

Sa edad nga 3-anyos nagsugod na siya sa pag-apil og mga pageants.

Apan bisan og gimahal niya ang pagsalmot sa pageants, gitutukan ni Wizza Jane ang pagtuon.

Nagtungha siya sa Holy Cross of Davao Collegeug gikuha ang kursong BS in Accountancy.

Apan bisan nagtungha pabiling nagdilaab ang intensiyon niyang moapil og pageant.

Tuod man nahimo kining posible sa pagsalmot niya sa Miss Philippines Earth 2020.

Uban ang adbokasiya nga "Sustainable Development and Footprint Awareness of Marine Biodiversity", niya mahimo kining kaabag aron mas mapasabot ang katawhan sa marine biodiversity.

"The concept of sustainable development can be interpreted in many different ways, but at its core is an approach to development that looks to balance different, and often competing, needs against an awareness of the environmental limitations we face in our society."

Mapasalamaton si Wizza tungod maayo ang dagan sa iyang pagsalmot sa kompetisyon.

Nagpasalamat siya sa tanang misuporta.

"I would like to thank the Local Government Unit of Mati City, headed by Hon. Mayor Michelle Rabat for all the support since Day 1 of my Miss Philippines Earth 2020 journey," dugang niya.

Ang virtual pageant himuon Mayo 24, Dominggo. (With PR)