MANILA – Grabe ang pamba-bash karon kang Coco Martin nga reaksiyon sa netizens sa video sa actor nga isog kaayo sa dihang gipahunong ang pag-broadcast sa ABS-CBN diin ang teleserye ni Coco nga “Ang Probinsyano” milungtad sa kahanginan sud sa lima ka katuigan.
Ang gikabwisitan sa netizen mao ang giingon ni Coco nga unsa na lang kuno ang ipakaon niya sa iyang pamilya.
Gidunganan og post sa old interview ni Boy Abunda kang Coco og may specific nga pangutana si Boy kang Coco nga kung panaglit ugma, mawad-an siya og trabaho, papaano na siya?
Samtang tubag sa actor sa maong throwback interview nga magiging komportable gihapon ang iyang kinabuhi, saying: “siguro magaling lang akong mag-ipon Kuya Boy.”
May uban naman nga gi-screen shot ang mga hulagway ni Coco nga nagpakuha kauban ang iyang mahalong sakyanan, motor ug sud sa iyang mansiyon.
Maong di jud kuno sila motuo nga way ikapakaon si Coco sa iyang pamilya karong sirado na ang ABS-CBN.
Nagkadaiyang meme na ang gihimo sa mga netizens nga naglagot video ni Coco.
May mga karaang eksena sa “Ang Probinsyano” diin may gikulata si Coco og migawas ang gamayng dila ni Coco og gihimo ning kataw-anan. Laing memes pa nga gi-flaunt ang pagaka-bulol ni Coco.
Akoy naluoy kang Coco kay dili niya deserved nga ma-bash ig ingon ni-ani and I’m sure ang mga nam-bash kang Coco, nagalantaw sad og “Ang Probinsyano.”
Celebrities sa Dos gilabhan
Sa laing bahin, nakaamgo na si Kim Chiu sa iyang gipamaba og pati classroom na connect niya sa isyu sa ABS-CBN shutdown.
Naging viral kini ilabi na sa Tiktok og mismong si Kim, natawa na lang sa pag-mention niya sa classroom.
Ang Kapamilya Stars nga mipadayag sa ilang suporta sa ABS-CBN diin nagpakuha sila og picture diin ang ilang kamot gibutang sa ilang dughan, grabe sad ang bashing nga nadawat.
Si Gerald Anderson with full-beard gihinganlan og “Bulbol”, si Ivana Alawi , Jolina Magdangal, Angelica Panganiban, etc nakadawat sab og sobrang panlala-it.
Grabe sila pero pustahan ta, kon makita nila ang ilang gipang-bash nga mga artista, bisan kigol nila, kiligon!