NAGPAABOT sa iyang reaksyon si Misamis Oriental Governor Bambi Emano kalabot sa mga pagsaway nga gibato ni Cagayan de Oro Mayor Oscar Moreno ngadto sa chairman sa Provincial Task Force for Covid 19 nga si Dr. Jerie Calingasan.
Gibutyag ni Emano atol sa flag raising nga via zoom Lunes, Mayo 11, 2020, nga posibleng gikaibgan lamang ang ilang lider nga maoy nagbarog aron pabiling luwas sa Corona Virus Disease (Covid 19) ang lalawigan.
"While how we will able to accomplish things in the province, how we are tried to strengthen, there are people who are envious to our task force chief. Masinahon kaayo sa atong task force chief to a point that he was called names that was uncalled for where in fact until today, malouy ta bisan kumingking, wala siya makatupong sa atong task force chief nga si Dr. Calingasan," matud ni Emano.
Gidayeg sab niini ang pagprotehir sa katawhan sa lalawigan tungod kay sa paningkamot niini makita man nga wala gyod kaso sa Covid sa lalawigan.
"Dr. Jerie had been protecting our people until today it shows that under his leadership, not mine under his leadership, with the help of the mayors, MHO's and City Health Offocer and a few of DOH who believes of Dr. Calingasan thinks and believe that until today zero pa ang kaso nato sa Covid sa Misor and had always been thankful," matud niini.
Dugang ni Emano nga nasayod si Calingasan sa gabuhaton niini ug wala niya gikahimout ang pagtawag niini og kidnapper ug abductor.
"This guy is very intelligent, this guy knows what he is doing even if others think that it was not yet ready to be implemented he was doing it already, had always been very advance. This guy is a blessing of Misamis Oriental," matud ni Emano.
Kahinumduman atol sa daily press briefing ni Mayor Moreno niadtong Sabado, gisaway niini si Calingasan tungod sa daw tinonto nga mga advisory ug paghasol hasol sa katawhan sa lalawigan.
Ang probinsya nagpatuman og bag-ong guidelines nga kung residente sa Misamis Oriental nga nagtrabaho sa siyudad kinahanglan nga makauli na sa lalawigan sa dili pa moabot og alas 6:00 kay kung molapas na makonsidera kining person under monitoring sulod sa lalawigan.
Giabisohan ang tanan nga kadtong nanarabaho sa siyudad nga taga lalawigan ang kinahanglan nga magrenta o mag boarding house.