Pacquiao ikatulo sa CBS sports ranking

NAPILI ang bugtong 8-division world boxing champion sa kalibutan nga si Manny Pacquiao sa international television network CBS Sports isip ikatulo sa labing maayong welterweight fighters sa miaging lima ka mga dekada.

Ang duha ka columnists sa CBS Sports nga sila si Brian Campbell ug Brent Brookhouse ningpuga sa lawom nga kasayuran kabahin sa boksing aron paghan-ay ning maong listahan.

Human sa ilang pagdebate ug diskusyon, nagkauyon ang duha nga si Sugar Ray Leonard maoy ibutang sa No. 1 sa listahan.

Ang miretiro nga wala'y pilde sulod sa 50 ka mga away nga si Floyd Mayweather maoy No. 2.

Nahisgutan ni Campbell ang pagsaka ni Pacquiao og pito ka mga weight division gikan sa ubos nga timbang paingon sa welterweight maoy hinungdan nga nakakuha kinig taas nga posisyon ning maong listahan.

Ang labing nimarka nga mga kadaugan ni Pacquiao sa welterweight mao ang batok nila ni legendary Oscar De La Hoya ug Miguel Cotto.

Si Pacquiao, kinsa maoy kasamtangang World Boxing Association (WBA) welterweight champion, midaog sab batok nila ni Joshua Clottey, Shane Mosley, Juan Manuel Marquez, Timothy Bradley, Brandon Rios, Jessie Vargas, Lucas Matthysse, Adrien Broner ug Keith Thurman sa 147 pounds.

Gihimo sab nga basihan ni Campbell ang makapakugang nga 1st round knockdown punch ni Pacquiao batok kang Thurman niadtong Hulyo 20, 2019, nga maoy labing ulahing away sa Pambansang Kamao ng Pilipinas.

“The fact that he would drop and outpoint unbeaten Keith Thurman 10 years later at the age of 40 to reclaim a title just speaks [of] his overall greatness,” pasabot ni Campbell nga napatik sa Spin.ph.

Alang sa beteranong Filipino boxing analyst, Atty. Ed Tolentino ang paghan-ay sa SBC Sports ning maong listahan makiangayon ra.

Matod ni Tolentino nga aduna pa'y posibilidad nga mosaka ang ranking ni Pacquiao ning maong listahan.

“Pacquiao is coming in at No.3, but take note that he is still an active fighter, who is still in the position to improve on his ranking. Leonard is ranked No. 1 on the strength of his unification victory over Thomas Hearns and wins over all-time greats Roberto Duran [in the rematch] and Wilfred Benitez,” pasabot ni Tolentino.

Si Leonard maoy usa sa labing bantugang mga boksidor sa ulahing bahin sa dekada 70 ug sayong bahin sa dekada 80.

“Mayweather is coming in at No. 2 because, at welterweight, he actually beat Pacquiao and a slew of other great welterweights. Mayweather also defeated Juan Manuel Marquez at the catchweight of 144 lbs, which is within the welterweight limit. Marquez knocked out Pacquiao at welterweight,” dugang ni Tolentino.

“Mayweather was never beaten at welterweight. So, these factors explain why he is ranked ahead of Manny Pacquiao [who is] at No. 3, which is not bad.”

“But like I said, he (Pacquaio) can still improve on this because he is still an active boxer.”

Mokompleto sa Top 10 ning maong listahan mao sila si Pernell Whitaker (No. 4), Thomas Hearns (No. 5), Felix Trinidad (No. 6), Oscar de la Hoya (No. 7), Miguel Cotto (No. , Donald Curry (No. 9) ug ang kasamtangang International Boxing Federation ug World Boxing Council welterweight titleholder Errol Spence Jr. (No. 10). (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph