LIMA ka mga bag-o nga kaso nga nagpositibo sa coronavirus disease (Covid-19) ang natala sa probinsya sa Sugbo sa Mayo 12, 2020
Kini maoy gipahibaw ni Gobernador Gwendolyn Garcia sa press conference sa kapitolyo.
Upat niini mao ang mga inmates sa Cebu Provincial Detention and Rehabilitation Center (CPDRC) nga due for release na unta.
Samtang usa niini mao ang 60-anyos nga babaye nga taga barangay poblacion.
Mao kini ang ika-walo nga kaso gikan sa dakbayan sa Talisay.
Sa iyang official facebook page, si Talisay City Mayor Gerald "Samsam" Gullas nagkanayon nga ang maong pasyente na admit sa Chong Hua Hospital.
Sa laing bahin, padayon ang pag monitor sa lalawigan sa 4, 010 ka mga persons under monitoring (PUM), 23 ka mga influenza like illnesses (ILI) ug usa ka Severe Acute Respiratory Infection (SARI).
May natala usab nga 74, 267 ka mga Sugboanon na ang gawasnon og nakakompleto na sa 14 ka adlaw nga quarantine.
Sa kinatibuk-an may 55 na ka mga positibong kaso ang lukop lalawigan sa Sugbo diin 37 niini mga piniriso. (ANV)