Northern Mindanao dili na ipaubos sa quarantine sugod Mayo 16

SA BAG-ONG kamandoan ubos sa Resolution 35 sa Inter-Agency Task Force on Emerging Infectious Diseases (IATF-EID), gipahibalo ni Presidential Spokesperson Harry Roque nga sugod sa Mayo 16, 2020, ang Northern Mindanao dili na ubos sa community quarantine ug lakip na sa gikonsidera nga "low-risk provinces."

Apan gipasabot niini nga kung makita sa usa ka lider sa maong dapit nga adunay kaso sa coronavirus disease (Covid-19), mahimo nga moapela ngadto sa task force nga isaka sa level ang kwarantinas.

Ning bag-o lang, pipila ka mga pulitiko, doktor ug mga pribadong indibidwal ang nihangyo sa IATF-IED nga ipaubos sa enhanced community quarantine ang siyudad sa Cagayan de Oro human gikumpirmar sa Department of Health ang local transmission.

Ang siyudad adunay pito ka kaso nga positibo sa Covid-19 kung diin upat ang nakabsan sa kinabuhi, duha ang asymptomatic, ug usa ang nakarekober.

Si Cagayan de Oro Mayor Oscar Moreno nalipay sa desisyon sa IATF-IED gumikan kay nakita ang paningkamot sa siyudad sa pakigbatok sa Covid-19.

"We feel vindicated and what we have been doing uban ang DOH, NMMC, City Health, sa atong mga initiatives in the city nga gi undertaken nakita ang resulta, evidence-base nakita. We're happy nakita ang resulta sa atong mga initiatives," matud niini.

Dugang niini nga kung unsa man ang orders o guidelines niining bag-ong kamandoan ug anaa pa gihapon ang public health requirement, magpabilin nga gabayan lakip na ang pagpuyo sa balay, pagsul-ob ug face mask ug social distancing.

Gipasabot niini nga kung anaa sa guidelines moingon nga total relaxation total opening, kinahanglan kini nga hisgotan sa grupo.

"I allowed Cagayan de Oro to observe this minimum public health standard and to continue what the city has been doing, from regional level, NMMC and city level," matud ni Moreno ug miingon nga tungod niini natumbok ang mga basihanan sa siyensya.

Sa iyang bahin ni Governor Bambi Emano, nibutyag sa Superbalita Cagayan de Oro nga ang bag-ong kamandoan sa IATF ila pa nga hisgotan sa Provincial Task Force for Covid-19.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph