PATAY ang usa ka lalaki human siya gidunggab ug gitigbas didto sa Lantapan, Bukidnon.

Biktima giila nga si Jenerio Guil-an, 49-anyos, ug molupyo sa Purok 5, Barangay Basak sa maong lungsod.

Sa report nga nakuha gikan sa mga otoridad, ang biktima nahiagum og upat ka mga samad-dinunggaban, duha ka tinigbasan sa nagkadaiyang parte sa iyang lawas nga miresulta sa pagkatibway sa iyang kinabuhi.

Sa pagkakaron, blangko pa ang mga otoridad kun kinsa ang mibuhat sa krimen.

Base sa imbestigasyon sa kapulisan, nga banda alas 7:00 sa gabii niadtong Huwebes nahitabo ang pagpatay.

Sumala pa nga pauli na ang biktima sa iyang bay gikan nag-inom human nakig-selebrar sa adlaw'ng natawhan sa iyang kumpare.

Wa damha sa biktima nga giatangan na diay siya sa suspek.

Sa way daghang istorya, gihansakan siyag kutsilyo sa lawas, ug wa pa matagbaw gitigbas pa siya.

Kapulisan padayon naniid sa palibot, namasin nga anaa ra sa lugar ang mihimo sa krimen. (Edgardo Fuerzas)