"IF WE can commit to test Pogo workers, we can commit to test Filipino workers."
Kini karon ang dakong hagit sa magbabalud nga si Senator Risa Hontiveros ngadto sa health department sa nasud diin giduso niini ang mandatory testing sa mga empleyado nga nanggawas sa ilang panimalay aron mo-report sa trabaho luyo sa outbreak sa coronavirus disease (Covid-19).
"Kasama dapat sa dagdag-proteksyon sa manggagawang Pilipino na balik-trabaho sa gitna ng pandemic ang proper testing," ingon ni Hontiveros human gianunsyo sa MalacaƱang ang pagwagtang sa pipila ka mga quarantine protocols sa daghang dapit sa nasud karong Mayo 16, 2020.
Ubos sa new rules, ang movement ug ang mobility sa mga areas padayon gihapon nga ubos sa modified Enhanced Community Quarantine (ECQ) sama sa Metro Manila; dunay mga manufacturing ug mga processing plants workforce ang gitugtan nga mag-operate nga naay 50 percent sa ilang mga workforce. Sa mga areas ubos sa General Community Quarantine (GCQ), ang government offices ug private establishments ang gitugtan nga subling mag-abli nga naay mamahimong 75 percent sa ilang workforce.
"If we can require Covid-19 testing for Pogo workers, all the more that we should require the same for Filipino workers who are facing the same risks," ingon ni Hontiveros human sa giluwatang pamahayag sa gobyerno nga ang mga trabahante sa Philippine Offshore Gaming Operators (Pogo) industry ipailawom sa Covid-19 testing una mobalik ang ilang operasyon.
"While we want working class Filipinos to continue earning a living and critical industries to remain operational, we must implement measures to prevent a possible second spread of Covid-19 in workplaces," niya pa.
Maayo ang na-ideya si Hontiveros aron maseguro gayod kung kinsa kadtong mga tawo nga dunay Covid-19 aron di na sila makatakod pa ug mapatambalan.
Kini ang usa ka maayong pamaagi aron hingpit nga matul-id ang hiwi ug pataas nga kaso sa Covid-19. Ang koordinasyon sa tanang trabahante sa pagpa-test; di kita mahadlok kung moguwa nga magpositibo kita, hinuon malipay kita aron makatabang sa gobyerno sa pagbatok niini nga pandemya.
Dili angay mabalaka ang usa ka tawo kung sa kanunay ang pagpahimsog sa panglawas ginaatiman samtang naka-quarantine. Ug ang labing kinahanglan ang pagsunod sa mandu sa gobyerno, kini ang pinaka-importante nga angay'ng buhaton aron di matakbuyan sa makamatay nga sakit.