SUPERBALITA DAVAO

Delos Reyes: Hayang, kulob ang kapalaran

Yanong Pagsabot

ATONG sugdan ang atong paghisgot karon sa pasidaan nga gisulat ni Apostol Pablo sa 1 Corinthians 10:12 nga nagkanayon, "Busa ang naga hunahuna nga naga tindog siya, mag matngon aron dili siya mapukan."

Nabaniog ang pagsira sa higante nga network sa tibuok nasud, ang ABS-CBN. Nasubo ta sa gidangatan sa atong mga kaubanan sa buhat, diin linibo ang nawad-an sa ilang panginabuhi tungod sa wa damha nga panghitabo.

Mga inila nga personalidad sa nasud, mga mamahayag, abogado, yanong mga katawhan ang nagbatikos sa gobyerno kay usa kuno ka pagpang-harass sa kagawasan sa mga tigbalita ug gihikawan ang tibook nasud nga mahibalo sa tinuod nga panghitabo, labi na nga ni-a kita sa panahon sa krisis nga dala sa coronavirus disease (Covid-19) sa tibuok kalibutan.

Daw langit ang kanhi kahimtang sa network sama sa Titanic nga dili kuno malunod sa daghang katuigan nga sila gipasagdan sa gobyerno kay suod sa mga nagkupot sa katungdanan. Daghan ang mga yano nga katawhan kansang mga negosyo gipasarad-an sa BIR, gikandadohan ang ilang pultahan tungod kay wala nagsubay sa balaud. Okay lang ba sa mga gagmay, unya lahi ang estandarte alang sa mga dagko sama kanila?

Kung na paso ang prangkisa sa ABS-CBN sa paggamit sa kahanginan, tungod dunay mga nalapas nga mga balaud, sala ba sa gobyerno kung sila sarad-an? Tugotan nalang ba sa gobyerno ang maong kompanya nga maga-operate bisan wala na nagsubay sa balaud tungod daghang trabahante ang maapektuhan?

Tinuod, usa ka pahayagan ang maong istasyon, apan usa sab kini ka negosyo nga dapat mosunod sa balaud, dili nga magsigi og pagsaway sa mga sayop sa gobyerno, sayop sa uban apan sila nagpakahilom sa ilang kalapasan?

Asa man ang hustisya nga ang yanong katawhan, dakpon man kon mag-rally nga walay permit, unsa pa ang usa ka negosyo nga minilyon ang kita sa paggamit sa kahanginan?

Nagtabang sa pagpanghatag og pagkaon nga apektado sa lockdown, maoy ginapasiatab sa uban mao nga dili kuno angay sarad-an. Ang pagtabang usa ka maayo nga buhat apan dili basihan nga dili na i-renew ang prangkisa niini ngadto sa gobyerno kay nagatabang mo.

Sama ra sa usa ka sakyanan nga na paso na ang prangkisa, ang rehistro sa LTO, bisan pa imong pasakyon nga libre ang katawhan pwede raka mogamit sa kadalanan kay inig dakop wala kay labot kay maloloy-on ka sa katawhan. Mao ni ang mga punto nga angayan sabton sa katawhan. Dili ta magpadala ta sa isyu nga kuno pagpugong sa kagawasan sa pagpahayag.

Angay natong hinuktokan nga ang kapalaran, murag ligid nga nagatuyok. Usahay sa taas, usahay sa ubos tungod kay hayang-kulob ang atong kaparan. Atong sabton nga "Walay forever" dinhi sa kalibutan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph