ANG Northern Mindanao nagtala og 655 ka mga suspetsado sa coronavirus disease (Covid-19) ug sa maong gidaghanon, moabot na sa 41 niini ang nakabsan sa kinabuhi.
Kini ang gipahibalo ni Department of Health (DOH) regional director Adriano Suba-an atol sa press briefing sa Regional Task Force for Covid-19, Mayo 12.
Sa maong gidaghanaon, moabot ngadto sa 87 ang na-admit, 151 ang na-discharge, 376 ang outpatient, ug 41 niini ang nakabsan sa kinabuhi.
Ang probable case sa Covid-19 patient adunay tulo nga pulos nakabsan sa kinabuhi.
Samtang 113 ang nag negatibo ang resulta sa rehiyon diin sa resulta sa swab test 75 niini ang health workers sa Northern Mindanao Medical Center (NMMC).
Upat ang nagikan sa Cagayan de Oro; 1 sa Iligan City; 3 sa Valencia City; 1 sa Malaybalay City; 1 sa Talakag, Bukidnon; 7 sa Camiguin; 15 sa Misamis Occidental; 1 sa Tagoloan Misamis Oriental, 3 sa Lanao del Norte ug adunay 3 ka inbalido ang resulta nga kinahanglan sila ipaubos og usab sa swab test.
Gipahibalo sab ni Suba-an nga ang health worker sa Tudela, Misamis Oriental nga nagpositibo sa Covid-19 nagnegatibo ug gikonsidera na nga rekober.