HUMAN makansela ang 10th Asean Paralympic Games tungod sa Covid-19 global pandemic, ang swimmer nga si Ernie Gawilan sa Davao City ug chesser Henry Roger Lopez sa Panabo City nagpadayon sa pagbansay taliwala sa quarantine.
Ang 29-anyos nga Paralympics qualifier nga si Gawilan, nga anaa sa iyang panimalay sa Island Garden City of Samal (Igacos) sukad Marso 14, nagkanayon, "Karon Ma'am sayang ang among training nga pag-adam ani pero tungod kay niabot man jud ning Covid -19 moving forward nalang kay kinabuhi sa tao ang nakataya aning krisis."
Si Asean Para Sports Federation president Osoth Bhavilai sa gipaguwang pahayag nagkanayon nga gikanselar ang duwa human ang Philippine Sports Commission nauna ng mitalikod sa pag-host sa nasud sa Para Games tungod sa coronavirus outbreak sa nasud.
Si Bhavilai, sa iyang official statement, mi-quote sa pahayag ni PSC Chairman William I. Ramirez nga gi-withdraw sa national sports agency ang financial support sa paghost sa biennial Games subay sa direktiba sa national government pinaagi sa Department of Budget and Management-National Budget Circular 580 ug IATF/GCQ guidelines "to take certain actions" to fortify the country's fight against Covid-19.
Si Gawilan, nga milangoy og duha ka bulawan, usa ka silver ug duha ka bronse sa 2017 edition sa 2017 Asean Para Games nagkanayon nga magpadayon ang iyang pagbansay alang sa mosunod nga kompetisyon.
Nagpasalamat siyang Ramirez ug sa PSC Board sa padayon nilang pagdawat og allowance taliwala sa lockdown.
Samtang sigon ni Lopez, "Of course I'm sad after preparing for the event but (the cancellation is) understandable and necessary to beat Covid-19 pandemic. We have to sacrifice for the greater good."
Ang Holy Cross of Davao College alumnus won midaug og duha ka gold, duha ka individual silvers sa 2017 Asean Para Games.
Dugang ni Lopez nga nagaduwa siya sa online chess tournaments aron mas mabaid pa ang abilidad.