TALIWALA sa kalaay nga gibati tungod sa quarantine nga gipatuman karon sa Davao City, apan nahimo kining dalan alang sa Davao-based make-up artist nga mas mabaid pa ang iyang kaalam ug talento sa pagmake-up.

Si Rodni Noel Dagongdong Varquez, usa sa inilang make-up artist sa dakbayan, gihimong kalingawan ang pagmake-up samtang anaa sa balay nagtambay uban ang pamilya.

"Since we are facing pandemic crisis og bawal man jud ta mag gawas-gawas, especially sa akong work into events man jud ko. Naisip lang nako why not i-try nako ang ginabuhat sa ubang aesthetic makeup artist? Wala bitaw mawala kung i-try nako ? So gi-try nako siya," niya sa Facebook chat interview tali Superbalita Davao.

Tuod man wa magdahum si Rodni nga mo-click sa iyang mga Facebook friends ang iyang mga obra.

Miani kini sa daghang likes, labaw pa ang daghang shares nga nahingangha sa iyang talento.

Gamit ang mabulukong kolor sa make-up, ginatransform ni Rodni ang kaugalingon sa nagkadaiyang obra nga gikabilib sa iyang mga higala ug ubang netizens.

"Wala ko nag expect na mo click diay siya," suma ni Varquez nga suki na sab sa ubang inilang beauty titlist sa nasud sa natad pagmake-up.

Niya, nadasig siya nga mas mapalambo pa ang iyang talento, labaw sa tanan sa mga indibidwal sa aesthetic make-up nga iyang gi-idolo.

"Akong mga idol diri sa Philippines, Drian Bautista grabe niya ka amazing in-terms aesthetic and illusion makeup po. International maam daghan man sila oi," dugang niya.