GIHANGYO karon sa pipila ka magbabalaud ang gobyerno nga hatagan og dugang ayuda ug husto nga benepisyo ang mga solo parents ug ang ilang mga anak nga naapektuhan sa krisis nga dala sa coronavirus disease (Covid-19).
Angayan nga matag karon ug unya subayon sa gobyerno ang kahimtang sa mga solo parents gumikan sila kadtong makaluluoy kay wala nay katimbayayong sa panginabuhi labi na karon nga lisod ang pagpangita og trabaho.
Kini ang gihangyo karon ni Senator Risa Hontiveros ngadto sa gobyerno nga tabangan gayod ang mga solo parents labi na ning panahon sa krisis sa Covid-19.
"The more than two months of strict quarantine have made life difficult for many Filipinos, but it is infinitely harder in all aspects for the single mothers or fathers who are raising their child or children alone. Now more than ever, they need our help," ingon ni Sen. Hontiveros human giwagtang sa Malakanyang ang community quarantine protocols sa pipila ka dapit sa nasud ug anaa na gipailawom sa general community quarantine (GCQ).
Dugang niya, "As a single mother myself, I know that solo parents have to work extra hard since such households rely on one income stream. So now that solo parents are unable to return to their work or earn a living due to community quarantine, their families have had little to no alternative means of getting the money they need to buy food or other basic necessities."
Lagmit kini karon ang mahatagan og aksyon sa gobyerno, ang dugang benepisyo ug uyuda sa mga solo parents labi na kung makita nga daghan kanila ang wala nakadawat og ayuda sa Social Amelioration Program (SAP) ug ubang benepisyo.
Subayon unta kini sa gobyerno ug hatagan og dugang hinanaling pagtagad.