UBOS sa modified enhanced community quarantine, gitugot na ang panagtigum relihiyuso. Apan limitado lamang kini sa home religious services.

Dili pa hingpit gitugot ang katiguman sa mga simbahan labi na sa dagkong mga simbahan.

Mahimo na ang home religious services apan limitado gihapon sa lima ka tawo ug kinahanglan ipatuman ang social distancing, paggamit og face mask ug uban pang panginahanglan aron mapugngan ang pagtakboy sa coronavirus.

Sa ubang bahin sa Estados Unidos ug uban nasod, mas gipig-otan nila ang pag-abli sa mga simbahan.

Ang pagsimba dako og kabahin sa kinabuhi sa tawo Kristiyanos man o dili.

Apan, tungod niining coronavirus nausab ang tanang kalihukan sa simbahan.

Tungod sa maong sitwasiyon, nanggilabot ang gobiyerno sa mga kalihukan sa simbahan. Gani, sa ulahing polisiya sa America, kon itugot nila pagbalik ang serbisyon sa simbahan, did-an na kini sa ilang pagsangyo sa maayong balita ug pagpangbawtismo.

Alang niadtong nagtuon sa propesiya kon unsay mahitabo sa ulahing mga panahon sa dili pa mobalik si Jesus, dili na nila ikahibulong ang mga panghitabo karon labi na gyud sa Amerika.

Ang Estados Unidos sa Amerika, basi sa propesiya maoy mag-una sa paghimo og mga lakang sa pag-usab sa panggobiyerno sa kalibutan. Dunay giduso karon nga new world order paghiusa sa tanang gobiyerno sa kalibutan.

Bag-o lang gipahibaw ni Presidenti Donald Trump sa Amerika nga ipatuman ng mandatory vaccine sa dili pa motapos ning tuiga.

Nagpasabot nga malaumon si Trump nga duna nay vaccine batok sa coronavirus.

Ug sama unya human nahitabo ang 9/11 niadtong 2001 daghang mga kauban sa seguridad ang gipatuman labi na gyud sa pagsakay og ayroplano.

Tungod usab niining coronavirus segurado nga dunay daghang kausaban na unya sa atong pagpanglihok, gani, nasinati naman nato karon tungod sa lockdown ug quarantine.

Basi sa mga komentaryo moabot ang pahanon nga imonitor na sa gobiyerno ang tanang kalihukan sa tawo, dili ka makagawas kon walay health certificate o nagpamatuod nga nakadawat ka og vaccine.

Ang pangutana, unsa man kaluwas ang vaccine. Alang ba gyud kaha na sa pag-ataki sa coronavirus o duna pay laing nagpahipi ana nga side effect. Ug nganong ipamugos man sa gobiyerno ang vaccine?