MisOr moimbestigar sa nagpositibo sa Covid-19 sa North Cotabato



USA ka 43 anyos nga lalaki nga giingong naay history nga nagtrabaho sa lungsod sa Tagoloan, Misamis Oriental ang nagpositibo sa coronavirus disease sa Banisilan, North Cotabato.

Sa report gikan sa Department of Health sa Soccsksargen, nasayran nga kini nga pasyente usa ka construction driver sa usa ka pribado nga kompanya sa lungsod sa Tagoloan.

Niadtong Mayo 1, 2020, gibabagan kini sa Gastab, Banisilan checkpoint.

Wala gitugotan nga mosulod kay wala kini dokumento nga pwedeng dawaton sa Banisilan, hinungdan nga gikwarantinas usa kini sa pasilidad sa LGU.

Niadtong Mayo 7, nagsugod ang iyang hilanat ug sakit sa tiyan inubanan sa pagsuka ug gitambalan kay unang impresyon adunay UTI. Pagka Mayo 11, nag kolor yellow ang panit ug mata, hinungdan gidala sa Cotabato Provincial Hospital kon diin gipahimutang kini sa isolation room.

Niadtong May 13, nagsugod og pag-ubo ug gikuhaan og swab sample niadtong May 14. Nigawas ang resulta karon Mayo 18 ug nagpositibo. Sa pagkakaron, ang mga nakadoul sa pasyente ang gi isolate na ug padayon ang contact tracing.

Ang pasyente anaa sa stable ang kahimtang ug wala gihilantan. Gitakda kining ibalhin sa Provincial Isolation Facility.

Ang local nga kagamhanan sa dapit bout makigkoordinar sa local nga kagamhanan sa Tagoloan ug sa Misamis Oriental Provincial Task Force for Covid labina nga dinhi kini nagikan.

Si Atty. Jeffrey Saclot, ang spokesperson sa Provincial Task Force for Covid-19, nibutyag nga giimbestigahan na kini karon panahona sa lokal nga kagamhanan sa Tagoloan.

"Gi-investigate nana karon sa Municipal Health Unit sa LGU Tagoloan," matud ni Saclot ug sa pagsulat sa balita, wala pa nila nadawat nag-koordinasyon sa gikan sa kagamhanan sa North Cotabato apan gisiguro niini nga adunay koordinasyon ug imbestigasyon nga mahitabo kalabot niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph