NGILNGIGA sa Cebu City, no. 1 sa gidaghanon sa kaso sa Covid-19 sa Central Visayas ug nagpabilin kining ubos sa enhanced community quarantine (ECQ).
Kini human nipitisyon si Cebu City Mayor Edgardo Labella sa kamandoan ni Presidente Rodrigo Duterte, basi sa rekomendasyon sa Inter Agency Task Force (IATF) sa pagpaubos na unta sa modified enhanced community quarantine (MECQ)
Ang pagpabor sa pagpabilin sa ECQ sa siyudad. Ang nahitabo sama sa naigo sa kumo ni Manny Pacquiao sila si Labella ug mga kauban.
Mitumaw man gud ang daghang mga pasangil sa pag negusyo sa kaso sa Covid-19 sa pagpaburot sa presyo sa test kits.
Bisan duna nay kamandoan sa World Health Organizarion (WHO), Food Drugs Administration ( FDA) ug Department of Health ( DOH ) nga dili aprobado ug di accurate ang resulta sa rapid testing.
Wala mokumusta sa inyong konsensya nga wa man diay klaro ang resulta sa rapid testing?
Kon mao kini, kadudahan kanang mga resulta nga daghan ang nahimong positive apan lig-on kaayo ang lawas. Ang 90 porsiyento pa gayud sa positibo mga asymptomatic. Kana bitawng way gipamati sa Ilang lawas.
Kini ang hinungdan nga nagkabangi sila si Labella kauban ni Atty. Floro Casas, City administrator ngadto ni Dr. Villa, ang hepe sa Cebu City Health Department.
Kay di man pabor si Villa sa rapid testing. Apan namugos man ang mga dagkong opisyal. Kadakoong uwaw niini sa gobyerno sa siyudad.
Adto gyud motuo ang katawhan ni Dra. Villa, kay linya kini sa iyang trabaho ug iyang gihimo gibasi sa WHO, FDA, DOH.
Kon balaod hinuon ang hisgutan. Atong tuohan ang mga abogado. Basta dili lang mamakak sama atong away sa presyo sa relief goods nga gipalit?
Sa tinuod lang. Mora man og gikumot akong dughan ug konsensya sa pag hunahuna sa kontrobersya nga nahitabo sa Cebu City kon kita di magpakabana ug magpaka Hilom lang!
Apan daghan ang nagtuo nga dunay mastermind niini. Nakadawat ko sa maong pangan ug dili lang nako ibutyag.
Di man sab kuno kini magdugay kay ang Davao Group nga mga negusyante nadunggaban man sab diay aning tawhana?