SUPERBALITA CAGAYAN DE ORO

P1.1M 'shabu' nakumpiska sa quarantine control point

MOKABAT ngadto sa P1.1 milyon nga shabu kon methamphetamine hydrochloride ang nakumpiska sa tinugyanan sa kapulisan niadtong Mayo 21, 2020 mga ala una sa kaadlawon diha sa quarantine control point sa Zone 3, Taboc, Opol, Misamis Oriental.

Nakumpiska mismo gikan sa suzuki multicab van type nga nagdala sa plate no. APA 5344 diin gimaneho mismo sa suspek nga si Junnel Lorenzo, 35 anyos, minyo nga taga Zone 5, Bugo, Cagayan de Oro City, driver/agent og diaper products.

Gibutyag ni Police Major Evan Viñas, tigpamaba sa Cagayan de Oro Police Office (Cocpo), nga nasikop mismo ang suspek diha sa quarantine control point nga gilangkoban sa personahe sa Cocpo ug sa Misamis Oriental Police Provincial Office sa pagpangulo nila ni Police Captain Sebastian Chua Jr. ug Police Major Evary Bacunawa.

"Our quarantine control point personnel led by Police Captain Sebastian Chua Jr. able to arrest violator on Republic Act 9165, intercepted a 176 grams of shabu then having a worth of P1.1 million," matud ni Viñas.

Giingong nakita sa mga kapulisan ang usa ka cellophane nga duna'y white crystalline substance nga gitoohang shabu nga gibanabanang anaa sa usa ka gramo ug nakuha pa ang laing tulo ka mga dakong papel nga niabot sa mga anaa sa 176 gramo nga mokantidad og P1,196,800.

Ang maong suspetsado ang nagtingkagol na sa bilanggoan alang sa tukmang kaso nga ipasaka batok sa maong dinakpan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph