SUPERBALITA CAGAYAN DE ORO

Walay nasikop sa curfew sulod sa 24 oras



MAPASALAMATON ang Cagayan de Oro Police Office (Cocpo) gumikan kay sa unang higayon sulod sa 24 oras, walay natalang mga nakasupak sa curfew, pagsul-ob og face mask ug paggamit og Barangay Exit Pass (BEP).

Samtang sa mga gipatuman nga mga balaodnon kalabot na sa community quarantine sulod sa 24 oras, anaa sa unom ka establisimento ang gibisita kalabot na sa pagsusi kung nagpatuman sa social distancing samtang walo ang mga public utility vehicle.

Gibutyag ni Police Major Evan Viñas, tigpamaba sa Cagayan de Oro Police Office, nga mapasalamaton ang kapulisan sa pagsangon sa mga katawhan sa mga gipatumang mga gabayan aron usab nga malikay niining Covid-19 nga virus.

"On curfew, there were none violators with the span of 24 hours. Mapasalamaton ta sa atong mga kaigsoonan kay nisangon sila sa atong mga panawagan. Then, on liquor prohibition there were none with the span of 24 hours, then on the combination figure of no face mask and no Barangay Exit Pass (BEP) also with the span of 24 hours, there were no violators," matud ni Viñas.

Nanghinaot usab kini nga unta magpadayon na ang katawhan sa pagsunod niini ug wala nay mga makalapas pa ilabi na sa gipatumang curfew.

"Yes, karon walay pasaway gyud. Maayo unta puyo na sila sa oras sa curfew," dugang pa.

Nasayran usab nga niubos ang kaso sa kriminalidad nga natala sa dakbayan sa Cagayan de Oro tungod sa Covid-19 sama sa mga pagpangawat ug uban pa gawas lang sa ilegal nga druga nga nisaka pag-ayo ang ihap sa mga nadakapan ug padayon nga nalambigit niining ilegal nga kalihokan bisan pa man sa gi-atubang nga krisis.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph